- თანამდებობიდან გადადგა საქართველოს შრომის, ჯანმრთელობისა და სოციალური დაცვის მინისტრი ალექსანდრე კვიტაშვილი. საგანგებოდ მოწვეულ ბრიფინგზე მან განაცხადა, რომ აკადემიური წრის წარმომადგენლებმა თბილისის სახელმწიფო უნივერსიტეტის რექტორის მოვალეობის შესრულება შესთავაზეს. კვიტაშვილის განმარტებით, დღეს გაიმართება უნივერსიტეტის აკადემიური საბჭოს სხდომა, რომელიც მის კანდიდატურაზე იმსჯელებს, ამიტომ მინისტრის პოსტიდან გადადგომის განცხადება დაწერა, რათა გადაწყვეტილების მიღებისას საბჭოსთვის ხელი არ შეეშალა. (რადიო თავისუფლება)
- თავდასხმა საბერძნეთში. ქალაქ სალონიკში დიპლომატიური უწყების კუთვნილი ხუთი ავტომობილი დაწვეს. დაზიანდა საქართველოს, უკრაინისა და ნიდერლანდების საკონსულოების კუთვნილი ავტომობილები. თვდასხმა ღამე მოხდა, შემთხვევის შედეგად არავინ დაშავებულა. პასუხისმგებლობა არცერთ დაჯგუფებას არ აუღია, თუმცა, სავარაუდოდ, ეს საბერძნეთში მოქმედმა ეგრეთ წოდებულმა „ანარქისტთა დაჯგუფების“ წევრებმა ჩაიდინეს. (პირველი არხი)
|
