პოლ კადენი

პოლ კადენი (ინგლ. Paul Cadden დ. 1964) — შოტლანდიელი ჰიპერრეალისტი მხატვარი.

ადრეული წლები

კადენი 1964 წელს დაიბადა გლაზგოში, მხატვრობა ექვსი წლის ასაკში დაიწყო. ჰიპერრეალიზმთან დამატებით, მას „3D“ ილუსტრატორადაც აქვს ნამუშევარი.

შემოქმედება

კადენი ყოველ წელს დაახლოებით 7 ნამუშევარს ქმნის და თითოეულზე საშუალოდ სამიდან ექვს კვირამდე დროს ხარჯავს. მისი ნამუშევრები ძირითადად „A1“ ან „A0“ ფორმატშია და უმეტესწილად მხოლოდ ფანქრის გამოყენებით არიან შექმნილნი, თუმცა ხანდახან ცარცსაც იყენებს. მისი ძირითადი თემა ჩვეულებრივ ხალხია, თუმცა ქუჩის სცენებს, ავტომობილებს და ცხენებსაც მოიცავს. მისი ნამუშევრებიდან თითოეული £5000-ზე მეტ ფასად იყიდება, ისინი გამოფენილნი იყვნენ ლონდონში, ნიუ იორკსა და ატლანტაში.

კადენი მის შთაგონებად ფრაზა „ნორმალურის გამძაფრებას“ ციტირებს და 2012 წელს განაცხადა, რომ ის ესწრაფვის ისეთი ნახატების შექმნას, რომელნიც უბრალო „ადამიანური სცენების და ყოველდღიური ყოფის“ ემოციურ დატვირთვას გადმოსცემენ. მისი ნამუშევრების შესახებ ის ამბობს, რომ „მართალია სურათები და ნახატები, რომლებსაც მე ვქმნი დაფუძნებულნი არიან ფოტოსურათებზე, ვიდეოების კადრებზე და ა.შ., იდეა ფოტოგრაფიის საზღვრებს გარეთ გასვლაში მდგომარეობს“.

რესურსები ინტერნეტში

• ოფიციალური საიტი
• ინტერვიუ კადენთან დაარქივებული 2016-11-06 საიტზე Wayback Machine. , Don't Panic Magazine, 15 აპრილი 2012