პეტროვსკოეს ღვთისმშობლის ეკლესია

პეტროვსკოეს ღვთისმშობლის ეკლესია — არქიტექტურული ძეგლი სოხუმის მუნიციპალიტეტის სოფელ პეტროვსკოედან აღმოსავლეთით 2 კმ-ზე, აფხაზეთის ავტონომიური რესპუბლიკა, საქართველო. ეკლესია აგებულია XX საუკუნეში.

ეკლესია ღვთისმშობლის სახელობისაა, გარედან შებათქაშებულია. საკურთხეველი ხის კანკელით არის გამოყოფილი დარბაზისაგან. საკურთხეველში თაღოვანი სარკმელია გაჭრილი. სამხრეთ კედელზე ორი თაღოვანი სარკმელია, კარი დასავლეთიდანაა. ეკლესია ორქანობა თუნუქის სახურავით არის გადახურული.

ამჟამად ტერიტორია ოკუპირებულია რუსეთის მიერ, რის გამოც ეკლესიის შესწავლა და შესაბამისი სამუშაოების ჩატარება შეუძლებელია.

ლიტერატურა

გამახარია ჯ., აფხაზეთი და მართლმადიდებლობა, თბ., 2005
Воронов Ю. Н., В мире архитектурных памятников Абхазии, М., 1978

რესურსები ინტერნეტში