პერშერონი

პერშერონი (ფრანგ. percheron) — მძიმეტვირთმზიდი ცხენის ჯიში. გამოყვანილია XIX საუკუნის დასაწყისში საფრანგეთის ჩრდილო-დასავლეთ ნაწილში პერშის (Perche) რაიონში. ჯიში შექმნილია ადგილობრივი შესაბმელი ცხენების „თავისში მოშენებით“ და გაუმჯობესებულია აღმოსავლური ჯიშის ცხენების (უმთავრესად არაბული) ჩართვითი შეჯვარების მეშვეობით. თანამედროვე პერშერონები მასიური, ჰარმონიულად აგებული, მაგარი და მშრალი კონსტიტუციის ცხენებია, ფერად ნაცრისფერი ან შავი, ამტანია, შეუძლია გადაიტანოს 25 ტ-მდე ტვირთი.

ლიტერატურა

ქართული საბჭოთა ენციკლოპედია, ტ. 8, თბ., 1984. — გვ. 39.