ოჟორის კოშკის ნანგრევი

ოჟორის კოშკის ნანგრევი — არქიტექტურული ძეგლი, თავდაცვითი ნაგებობა ქარელის მუნიციპალიტეტის სოფელ ოჟორაში, გუბეევის კარ-მიდამოში. აგებულია შუა საუკუნეებში.

კოშკიდან შემორჩენილია დასავლეთი კედლის მცირე ნაწილი. სამშენებლო ქვა ფლეთილია. კოშკის დანარჩენი კედლები მიწამდეა გასწორებული. ძეგლის დათარიღება შეუძლებელია ტერიტორიის გაწმენდა-გასუფთავების გარეშე.