ნოვოჩერკასკის ღვთისმშობლის მიძინების კათოლიკური ეკლესია

ნოვოჩერკასკის ღვთისმშობლის მიძინების კათოლიკური ეკლესია (რუს. Храм Успения Пресвятой Девы Марии) — კათოლიკური ეკლესია როსტოვის ოლქის ქალაქ ნოვოჩერკასკში.

ნოვოჩერკასკის ღვთისმშობლის მიძინების კათოლიკური ეკლესია
ძირითადი ინფორმაცია
გეოგრაფიული კოორდინატები	47°24′57″ ჩ. გ. 40°05′16″ ა. გ.
რელიგიური კუთვნილება	კათოლიციზმი
ქვეყანა	რუსეთი
ადგილმდებარეობა	ნოვოჩერკასკი
ფუნქციური სტატუსი	რუსეთის კულტურული მემკვიდრეობის ძეგლი
ხუროთმოძღვრების აღწერა
ხუროთმოძღვარი(ები)	ბრონისლავ როგუისკი
თარიღდება	1902-1906

ადმინისტრაციულად განეკუთვნება სარატოვის წმინდა კლიმენტის ეპარქიის როსტოვის დეკანატს, რომელსაც ხელმძღვანელობს ეპისკოპოსი კლიმენტი პიკელი.

ისტორია

ნოვოჩერკასკში პირველი კათოლიკური თემი, ჩამოაყალიბეს პოლონელმა ლტოლვილებმა რომლებიც გადმოსახლებულნი იყვნენ დონზე პოლონეთში ეროვნულ-განმათავისუფლებელი მოძრაობის ჩახშობის შემდეგ XIX საუკუნის მეორე ნახევარში. მრევლის მეორე მნიშვნელოვან ნაწილს შეადგენდნენ სომეხი კათოლიკეები, რომლებიც XVIII საუკუნიდან ცხოვროვდნენ ქალაქში.

ტაძრის მშენებლობა 1902 წელს დაიწყო და 1906 წელს არქიტექტორმა ბ. ს. როგუნსკიმ დაასრულა. 1907 წელს ტაძარი აკურთხეს. 1917 წელს ეკლესიის კათოლიკური მრევლი 4 231 ადამიანს შეადგენდა.

1929 წელს საბჭოთა ხელისუფლების ანტირელიგიური კამპანიის პერიოდში ტაძარი დახურეს და გამოიყენებოდა, როგორც ნოვოჩერკასკის პოლიტექნიკური უნივერსიტეტის სასადილო. 1937 წელს მასში განათავსეს სპორტული დარბაზი და საცხოვრებელი ოთახები, ასევე საბავშვო ბაგა. მღვდელი, იოან ლანგი, რომელიც ემსახურებოდა მრევლს გააძევეს 1941 წელს და გარდაიცვალა გადასახლებაში 1944 წელს.

1994 წელს ტაძარი გადაეცა კათოლიკე მრევლს, რომელიც ერთი წლით ადრე იყო დარეგისტრირებული.

წინამძღვრები

• იაროსლავ ვიშნევსკი (1993)
• ედვარდ მაცკევიჩი (1993-1996 და 2000-2002)
• ეჟი კროლიაკი (1996-1998)
• ტომაშ ვიოსნა (2002-2013)
• ალექსეი პოლისკო (2013-2014)
• მაცეი რუსეცკი (2014 - დღემდე)

ლიტერატურა

• Католическая энциклопедия, т. 3., М., изд. Францисканцев, 2007, стр. 910, ISBN 978-5-91393-016-3