ნიკოლოზ აბაშიძე (არქიტექტორი)

ნიკოლოზ ნესტორის ძე აბაშიძე (დ. 1 ნოემბერი, 1910, ბაქო — გ. 4 იანვარი, 1980, ბათუმი) — ქართველი არქიტექტორი. საქართველოს (1964) და აჭარის (1961) დამსახურებული ინჟინერი.

ნიკოლოზ აბაშიძე
დაბადების თარიღი	1 ნოემბერი, 1910 ბაქო, აზერბაიჯანი
გარდაცვალების თარიღი	4 იანვარი, 1980 (69 წლის) ბათუმი, საქართველოს სსრ
ეროვნება	ქართველი
ალმა-მატერი	საქართველოს ინდუსტრიული ინსტიტუტი და საქართველოს პოლიტექნიკური ინსტიტუტი
საქმიანობა	არქიტექტორი

ბიოგრაფია

1937 წელს დაამთავრა საქართველოს ინდუსტრიული ინსტიტუტი, ხოლო 1956 წელს საქართველოს პოლიტექნიკური ინსტიტუტი. 1929 წლიდან მუშაობდა აჭარის მშენებლობებზე. 1949 წლიდან სხვადასხვა მსხვილი სამშენებლო ორგანიზაციის ხელმძღვანელია. 1956 წლიდან აჭარის სამთავრობო ორგანიზაციის ხელმძღვანელი არქიტექტურისა და მშენებლობის დარგში. 1971 წლიდან აჭარის სახმშენის უფროსია. მისი პროექტებით აშენდა ქობულეთში კულტურის სასახლე (1956), ბათუმში — კინოთეატრი „ბათუმი“ (1973), რამდენიმე საცხოვრებელი სახლი და სხვა. 1956 წლიდან ეწეოდა პედაგოგიურ საქმიანობას. იყო აჭარის VI და VII მოწვევების უმაღლესი საბჭოს დეპუტატი.

რესურსები ინტერნეტში

• ნიკოლოზ აბაშიძე — საქართველოს ბიოგრაფიული ლექსიკონი

ლიტერატურა

• ს. კინწურაშვილი, მ. მაისურაძე, ენციკლოპედია „საქართველო“, ტ. 1, თბ., 1997. — გვ. 24.