ნაირბალახეული

ნაირბალახეული — ბალახოვან მცენარეთა ჯგუფი, რომელშიც შედის მათი ყველა სახეობა მარცვლოვანთა, პარკოსანთა და ისლისებრთა გარდა. ნაირბალახეულები ერთმანეთისაგან განსხვავდებიან ეკოლოგიური და ბიოლოგიური თვისებებით, აგრეთვე სამეურნეო მნიშვნელობით. ბევრი ნაირბალახეულია დაბლობისა და ჭალის მდელოებზე, აგრეთვე ველის ზონაში. მათ იყენებენ ძირითადად საძოვრებად. ნათეს საკვებ სავარგულებზე ნაირბალახეულის არსებობა მიუღებელია.

ლიტერატურა

• ქართული საბჭოთა ენციკლოპედია, ტ. 7, თბ., 1984. — გვ. 300.