ნადია კალვინო
ამ სტატიას გრამატიკის, სტილისა და მართლწერის გასწორება სჭირდება. |
ნადია მარია კალვინიო სანტამარია (ესპ. Nadia María Calviño Santamaría; დ 1968 წლის 3 ოქტომბერი, ლა-კორუნია) - ესპანელი ქალი პოლიტიკოსი და ეკონომისტი. 2020 წლის 13 იანვრიდან ის იკავებს ესპანეთის ეკონომიკისა და ციფრული ტრანსფორმაციის მინისტრის პოსტს. 2014 წლიდან მას ეკავა ბიუჯეტის განხრით გენერალური დირექტორის პოსტი ევროკომისიაში. 2018-2020 წლებში იგი იკავებდა ეკონომიკისა და მეწარმეობის მინისტრის თანამდებობას სანჩესის კაბინეტში.
.jpg)
ბიოგრაფია
რედაქტირებანადია კალვინო დაიბადა ადვოკატ ხოსე მარია კალვინოს ოჯახში. მამამისი 1982–1986 წლებში იყო სახელმწიფო კომპანია Radio Televisión Española– ს აღმასრულებელი დირექტორი. 1991 წელს დაამთავრა მადრიდის კომლუტენსეს უნივერსიტეტის (ესპ. Universidad Complutense de Madrid) ეკონომიკური ფაკულტეტი, 2001 წელს დისტანციური განათლების ეროვნული უნივერსიტეტის იურიდიული ფაკულტეტი. იგი მუშაობდა კონკურენციის ეროვნული კომისიის გენერალურ დირექტორად.
ესპანეთის ეკონომიკის სამინისტროში ათწლეულზე მეტი ხნის მუშაობის შემდეგ, 2006 წელს იგი ევროკომისიაში გადავიდა, სადაც მუშაობდა კონკურენციის ეროვნული კომისიის გენერალური დირექტორის მოადგილედ, აგრეთვე კომისიის გენერალური დირექტორის მოადგილედ ფინანსური მომსახურების საკითხებში. კალვინო ასწავლიდა კომპლუტენსეს უნივერსიტეტში.
ნადია კალვინო ფლობს ინგლისურ, ფრანგულ, გერმანულ, გალიციურ და ესპანურ ენებს. არის ოთხი შვილის დედა. მას უყვარს 1950-იანი წლების კინემატოგრაფია და სამზარეულო.
2020 წლის 13 იანვარს, ნადია კალვინო დაინიშნა ესპანეთის ეკონომიკისა და ციფრული ტრანსფორმაციის მინისტრის თანამდებობაზე [1] . 2020 წლის მარტში, კორონავირუსის პანდემიის დროს, კალვინომ წარადგინა ქვეყანაში კორონავირუსის ეკონომიკური შედეგების წინააღმდეგ ბრძოლის ღონისძიებათა პაკეტი - 200 მილიარდი ევროს ოდენობით: მათ შორის სესხები და გარანტიები თვითდასაქმებულთათვის, აგრეთვე მცირე, საშუალო საწარმოებისა და მსხვილი კომპანიებისთვის [2] .