მონოციტები
მონოციტები (monocyti) — უმარცვლო ლეიკოციტების (აგრანულოციტების) ყველაზე მსხვილი ფორმა. შეადგენენ ყველა ლეიკოციტის საერთო რიცხვის 6-8%-ს. ბირთვი ლობიოსებრი, ნალისებრი ან წილაკოვანი ფორმისაა. ციტოპლაზმა სუსტად ბაზოფილურია, ნაცრისფერი გადაკრავს ანდა კვამლისფერია, ბირთვი სხვადასხვა ფორმისაა. ქსოვილებში გადასვლისას დიფერენცირდება მაკროფაგებად.
![](http://upload.wikimedia.org/wikipedia/commons/thumb/e/e6/Monocytes%2C_a_type_of_white_blood_cell_%28Giemsa_stained%29.jpg/220px-Monocytes%2C_a_type_of_white_blood_cell_%28Giemsa_stained%29.jpg)
ტერმინი მომდინარეობს ბერძნული სიტყვებისგან — μονος (ერთი) და κύτος (უჯრედი), ის პირველად გამოიყენეს არტურ პაპენჰეიმმა და ადოლფო ფერატამ 1910 წელს, კვლევაში ნორმალური და პათოლოგიური სისხლის ლიმფოიდური ღეროვანი უჯრედების შესახებ.