მიო, ჩემო მიო (ფილმი)
მიო, ჩემო მიო (შვედ. Mio min Mio, ინგლ. Mio in the Land of Faraway) — რეჟისორ ვლადიმერ გრამატიკოვის ეპიკური ფენტეზის ჟანრის მხატვრული ფილმი, რომელიც ეფუძნება ასტრიდ ლინგრენის ამავე სახელწოდების ნაწარმოებს. გადაღებულია სსრკ-ის, შვედეთის და ნორვეგიის შემოქმედებითი კოლექტივების მიერ.
| „მიო, ჩემო მიო“ | |
|---|---|
| ჟანრი | ეპიკური ფენტეზი |
| რეჟისორი | ვლადიმერ გრამატიკოვი |
| პროდიუსერი | ინგემარ ეივე |
| სცენარის ავტორი | უილიამ ოლდრიჯი |
| ეფუძნება |
„მიო, ჩემო მიო“ — ასტრიდ ლინდგრენი |
| როლებში |
ნიკოლას პიკარდი კრისტიან ბეილი კრისტოფერ ლი სიუზანა იორკი იგორ იასულოვიჩი ლიუბოვ გერმანოვა |
| კომპოზიტორი | ბენი ანდერსონი, ანდერს ელიასი |
| ოპერატორი | ალექსანდრე ანტიპენკო, კიელ ვასდალი |
| მონტაჟი | დარეკ ჰოდორი |
| სტუდია |
სსრკ - მაქსიმ გორკის სახელობის კინოსტუდია, სოვინფილმი ნორვეგია - Filmhuset AS, Norway Film Development შვედეთი - შვედეთის კინოინსტიტუტი, Nordisk Tonefilm International |
| გამოსვლის თარიღი |
სსრკ: ივლისი 1987 (მოსკოვის საერთაშორისო კინოფესტივალი) ნორვეგია: 18 აგვისტო 1987 (ნორვეგიის საერთაშორისო კინოფესტივალი) შვედეთი: 16 ოქტომბერი 1987 აშშ: მაისი 1988 |
| ხანგრძლივობა | 99 წთ. |
| ქვეყანა | ნორვეგია, სსრკ, შვედეთი |
| ენა | ინგლისური, შვედური (დუბლირება), რუსული (დუბლირება) |
| ბიუჯეტი | 55.000.000 შვედური კრონა |
ფილმში მთავარ როლებს ასრულებენ: ნიკოლას პიკარდი (მიო), კრისტიან ბეილი (იუმ-იუმი), კრისტოფერ ლი (კატო), სიუზანა იორკი (ფეიქარი), იგორ იასულოვიჩი (ენო) და ლიუბოვ გერმანოვა (იუმ-იუმის დედა).
გადაღებები მიმდინარეობდა ყირიმში, შვედეთსა და შოტლანდიაში. ფილმი ევროპულ გაქირავებაში 1987 წელს გამოვიდა, ხოლო აშშ-ში, შეცვლილი სახელწოდებით - 1988 წელს. მთავარი მუსიკალური თემის ავტორები არიან ბენი ანდერსონი და ბიორნ ულვეუსი, ხოლო შემსრულებელი - შვედური დუეტი Gemini. ფილმი იმ დროისთვის ასტრიდ ლინდგრენის სიცოცხლეში გადაღებული ყველაზე ძვირი ეკრანიზაცია იყო. მიუხედავად იმისა, ამსტერდამში მან Cinekid Film-ის ჯილდო მიიღო, შვედეთში კრიტიკოსებმა უარყოფითად შეაფასეს და ლინდგრენის ნაწარმოების სუსტი ეკრანიზაციად ჩათვალეს.