მეწამორი (არქეოლოგია)

მეწამორი — არქეოლოგიური ძეგლი მდინარე მეწამორის სათავესთან (სომხეთი). გათხრილია ნამოსახლარის რამდენიმე ფენა: ადრინდელი ბრინჯაოს ხანის (ძვ. წ. III ათასწლეული), შუა ბრინჯაოს ხანის (ძვ. წ. XX-XIV სს.), გვიანდელი ბრინჯაოს (ძვ. წ. XIV-XI სს.), წინა ურარტული ხანის (ძვ. წ. X-VIII სს.), ურარტული ხანის ანუ „სადნობარების“ ფენა (ძვ. წ. VIII-VII სს.). მათში აღმოჩენილია მრავალნაირი თიხის ჭურჭელი, შრომის იარაღი და სხვა. მეწამორში ცხოვრება განახლებულა IX-XIII საუკუნეების შუალედში. ნამოსახლარის აღმოსავლეთით 1 კმ-ზე აღმოჩენილია ძვ. წ. II ათასწლეულის დასაწყისი - ძვ. წ. VII საუკუნე სამაროვანი. გათხრილია აგრეთვე სამლოცველთა კომპლექსი (ძვ. წ. II ათასწლეულის დასასრული - ძვ. წ. I ათასწლეული დასაწყისი), სადაც ნაპოცნია საკულტო დანიშნულების სიმბოლურგამოსახულებიანი თიხის ჭურჭელი და მრავალი სხვა ნივთი.

ლიტერატურა

• გოგაძე ე., ქსე, ტ. 6, გვ. 651, თბ., 1983