მერაბ ხაბაზი

მერაბ ხაბაზი (დ. 12 დეკემბერი, 1960, ს. აჭყვისთავი, ქობულეთის რაიონი — გ. 16 ივლისი, 2005, უშბა) — ქართველი მთამსვლელი და მათემატიკოსი, ფიზიკა-მათემატიკის მეცნიერებათა კანდიდატი.

ბიოგრაფია

დაამთავრა თბილისის სახელმწიფო უნივერსიტეტის მექანიკა–მათემატიკის ფაკულტეტი. მუშაობდა ანდრია რაზმაძის სახელობის მათემატიკის ინსტიტუტში, უფროს მეცნიერ-თანამშრომლად.

მემორიალური დაფა უშბის ძირში (ავტორი: შალვა ლეჟავა)

1999 წლის 26 მაისს ავიდა მსოფლიოს უმაღლეს მწვერვალ ჯომოლუნგმაზე. სხვა მწვერვალები – გამარჯვების პიკი, ხან-თენგრი (ტიან შანში), კავკასიონზე – უშბა (ორჯერ), შხარა (ორჯერ), გავლილი აქვს უამრავი უმაღლესი კატეგორიის ტექნიკური მარშრუტი.

მერაბ ხაბაზი ზაალ ქიქოძესთან ერთად 2005 წლის ივლისში უშბაზე ტრაგიკულად დაიღუპა. დაკრძალულია ქობულეთში.

რესურსები ინტერნეტში

• მერაბ ხაბაზის მოგონება