მედალი საქართველოს თავდაცვის სამინისტროს სისტემაში უმწიკვლო სამსახურისათვის
მედალი „საქართველოს თავდაცვის სამინისტროს სისტემაში უმწიკვლო სამსახურისათვის“ — საქართველოს თავდაცვის სამინისტროს უწყებრივი მედალი. დამტკიცებულია 2008 წლის 16 აპრილს, თავდაცვის მინისტრის, დავით კეზერაშვილის მიერ.[1] სისტემის სამხედრო მოსამსახურეებს მედლით აჯილდოვებს საქართველოს თავდაცვის მინისტრი. გაიცემა I, II და III ხარისხის. I ხარისხის მედალი დამზადებულია ოქროს შეფერილობის, II ხარისხისა — ვერცხლისს შეფერილობის, III ხარისხისა კი — ბრინჯაოს შეფერილობის ლითონისაგან. ჯილდოვდებიან თავდაცვის სამინისტროს მოსამსახურეები შესაბამისად 15, 10 და 5 წლის უმწიკვლო სამსახურისათვის, როდესაც მათ მიმართ, განვლილი სამსახურის პერიოდში წახალისებების რაოდენობა აღემატება დისციპლინური გადაცდომების რაოდენობას და დაჯილდოების პერიოდში მასზე არ მოქმედებს რაიმე სახის დისციპლინური პასუხისმგებლობის ზომა.[2]
მედლის ავერსზე ვარსკვლავში მოთავსებულია საქართველოს სახელმწიფო დროშის სამხედრო ვერსიის რელიეფური გამოსახულება წრეში (ფიგურას ეწოდება „ჯვარი გორგასლიან-დავითიანი“); რევერსზე რელიეფური წარწერაა — „უმწიკვლო სამსახურისათვის. საქართველო“.[1]
| მედლის ლენტები (თამასები) | ||
|---|---|---|
| I ხარისხი | II ხარისხი | IIII ხარისხი |
 |
 |
 |
სქოლიო
რედაქტირება- ↑ 1.0 1.1 საქართველოს თავდაცვის სამინისტროს უწყებრივი მედლების დამტკიცების შესახებ. საქართველოს საკანონმდებლო მაცნე (16 აპრილი, 2008). ციტირების თარიღი: 23 თებერვალი, 2021
- ↑ უწყებრივი მედლები. საქართველოს თავდაცვის სამინისტრო. mod.gov.ge. ციტირების თარიღი: 23 თებერვალი, 2021