მდინარის კიბოები — უხერხემლო ცხოველები ათფეხა კიბოების რიგისა. მათი სხეულის სიგრძე 6-30 სმ, ზოგჯერ 80 სმ (მაგადასკარული კიბო) აღწევს. უმრავლესობა მტკნარ წყალში ბინადრობს. ღამის ცხოველებია. იკვებებიან სანაპირო წყლის მცენარეულობით, აგრეთვე ცხოველური საკვებით. მრავლდებიან შემოდგომაზე. მდინარის კიბოები გაერთიანებული არიან 3 ოჯახში. გავრცელებული არიან ზომიერ სარტყელში აფრიკის გარდა. ყოფილ სსრკ-ში გვხვდება 8 სახეობა. ყველაზე დიდი მნიშვნელობა აქვს 2 სახეობას: ვიწროფეხა მდინარის კიბოები (Astacus leptodactylus) და ფართოფეხა მდინარის კიბოები (Astacus astacus). მდინარის კიბოების რეწვის ძირითადი რაიონია აზოვ-შავი ზღვის აუზი (ნადავლის 90%-მდე).
