მატურინი

მატურინი (ესპ. Maturín) — ქალაქი ვენესუელაში, მონაგასის შტატის დედაქალაქი და ვენესუელის ნავთობის ინდუსტრიის ხელშემწყობი კვლევებისა და განვითარების ცენტრი. ქალაქის მეტროპოლიუირ არეალის მოსახლეობა 2010 წლის მონაცემებით 593 333 ადამიანს შეადგენს. ქალაქი ამავე დროს ავტობუსების რეგიონული სატრანსპორტო კვანძის ფუნქციებს ასრულებს, აერთებს ჩრდილო-აღმოსავლეთ სანაპიროდან — ორინოკოს დელტიდან და გრან-საბანიდან მომავალ გზებს.

ქალაქი
მატურინი Maturín
დროშა
ქვეყანა	ვენესუელა
შტატი	მონაგასიმონაგასის შტატი|მონაგასი
კოორდინატები	9°45′00″ ჩ. გ. 63°10′58″ დ. გ.
დაარსდა	1760 წ, 7 დეკემბერი
ფართობი	13,352 კმ²
ცენტრის სიმაღლე	67 მ
მოსახლეობა	593 333 კაცი (2010)
სატელეფონო კოდი	0291
საავტომობილო კოდი	N
ოფიციალური საიტი	alcaldiadematurin.gob.ve
მატურინი ვიკისაწყობში

მატურინი მდებარეობს ზღვის დონიდან 67 მეტრზე, მდინარე გუარაპიჩეს მარჯვენა სანაპიროზე, დედაქალაქ კარაკასიდან 520 კმ-ის მოშორებით.

ვენესუელის ისტორიის აკადემიის მონაცემებით, ქალაქის დაარსების ოფიციალურ თარიღად მიჩნეულია 1760 წლის 7 დეკემბერი, როდესაც მას საფუძველი ჩაუყარა ფრანცისკანელმა მისიონერმა ლუკას დე სარაგოსამ. მიუხედავად ამისა, ინდიელთა საყოველთაო არქივი (Archivo General de Indias) შეიცავს დოკუმენტს, რომლის მიხედვითაც ქალაქი უფრო ადრე, 1722 წელს დაარსდა. ამ პრიმიტიულ ქალაქს სან-ხუან-დე-კა-ტორნერა-მატურინს (San Juan de la Tornera de Maturín) უწოდებდნენ და მისი დამფუძნებელი იყო ესპანელი გუბერნატორი ხუან დე ლა ტორნერა ი სოტა. მოსახლეობისა და ეკონომიკური რესურსების სიმჭირის გამო, ამ ქალაქს დიდხანს არ უარსებია. შემდგომში ლუკას სარაგოსამ მას სან-ხუდას-ტადეო-დე-მატურინი (San Judas Tadeo de Maturín) უწოდა და აქ შეიქმნა ესპანური მისია, რომლის მიზანიც იყო ქალაქის სიახლოვეს მცხოვრები ჩაიმასის და ვარაოსის ინდიელების გაქრისტიანება. XIX საუკუნეში ქალაქს სან-ფერნანდო-დე-მატურინი უწოდეს.

იხილეთ აგრეთვე

• ვენესუელის ქალაქების სია

რესურსები ინტერნეტში

• ოფიციალური საიტი დაარქივებული 2006-10-12 საიტზე Wayback Machine. (ესპანური)
• ინფორმაცია შტატის ოფიციალურ საიტზე (ესპანური)
• http://www.lomejordematurin.com დაარქივებული 2010-11-28 საიტზე Wayback Machine. (ესპანური)