მალხაზ ბარამიძე
მალხაზ ბარამიძე (დ. 18 მარტი, 1935, თბილისი) — ქართველი ისტორიკოსი, პოლიტიკოსი.
| მალხაზ ბარამიძე | |
|---|---|
| დაბადების თარიღი | 18 მარტი, 1935 |
| დაბადების ადგილი | თბილისი, საქართველოს სსრ, სსრკ |
| მოქალაქეობა |
 სსრკ → საქართველო |
| განათლება | თბილისის სახელმწიფო უნივერსიტეტი |
| ეროვნება | ქართველი |
| საქმიანობა | ისტორიკოსი |
დაამთავრა თბილისის სახელმწიფო უნივერსიტეტი ისტორიის ფაკულტეტი. 1958-1961 წლებში იყო ისტორიის, არქეოლოგიისა და ეთნოგრაფიის ინსტიტუტის ლაბორანტი. 1961-1966 წლებში იყო უმცროსი მეცნიერ-თანამშრომელი. 1966-1991 — უფროსი მეცნიერ-თანამშრომელი. 1991-1992 წლებში იყო არქეოლოგიური კვლევის ცენტრის წამყვანი მეცნიერ-თანამშრომელი. 1992-1995 წლებში იყო საქართველოს მე-3 მოწვევის პარლამენტის წევრი პარტიული სიით, საარჩევნო ბლოკი „დემოკრატიული პარტია“. 1995-1999 წლებში იყო საქართველოს მე-4 მოწვევის პარლამენტის წევრი როგორც აფხაზეთის არ-ის დეპუტატი. 1999 -2004 წლებში იყო საქართველოს მე-5 მოწვევის პარლამენტის წევრი პარტიული სიით, საარჩევნო ბლოკი „საქართველოს მოქალაქეთა კავშირი“. 2009 წლიდან არის პროექტის „აფხაზეთი - ჩვენი სამშობლო“ ავტორთა სამეცნიერო სათათბიროს წევრი. არის 140-მდე გამოქვეყნებული სამეცნიერო ნაშრომის, მათ შორის 5 მონოგრაფიის ავტორი. ისტორიის მეცნიერებათა დოქტორი. მიღებული აქვს აფხაზეთის ასსრ უმაღლესი საბჭოს საპატიო სიგელი. სადოქტორო დისერტაციის თემა - „აღმოსავლეთ შავიზღვისპირეთის ძვ.წ. III-I ათასწლეულების ძირითადი პრობლემები“, დაიცვა 1998 წელს.