მაია ნათაძე
მაია ნათაძე (დ. 27 მაისი, 1929, თბილისი) — ქართველი ფილოლოგი, პოლიტიკოსი.
| მაია ნათაძე | |
|---|---|
| დაბადების თარიღი | 27 მაისი, 1929 |
| დაბადების ადგილი | თბილისი |
| მოქალაქეობა |
 სსრკ → საქართველო |
| განათლება | თბილისის სახელმწიფო უნივერსიტეტი |
| ეროვნება | ქართველი |
1952 წელს დაამთავრა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი.
სამეცნიერო და პედაგოგიური მოღვაწეობა გააგრძელა თბილისის სახელმწიფო უნივერსიტეტის ინგლისური ფილოლოგიისა და დასავლეთ ევროპის ენებისა და ლიტერატურის კათედრებზე მასწავლებლის, დოცენტის და პროფესორის თანამდებობებზე. წლების მანძილზე იყო ქუთაისის უნივერსიტეტის და ბათუმის უნივერსიტეტის პროფესორი. 2006 წელს პროტესტი გამოუცხადა ივანე ჯავახიშვილის სახელობის თბილისის სახელმწიფო უნივერსიტეტში მიმდინარე ცვლილებებს და დატოვა უნივერსიტეტი, როგორც მეამბოხე პროფესორმა. მის სამეცნიერო სფეროს წარმოადგენს ენათმეცნიერება, ლიტერატურის ისტორია და თეორია. 100-ზე მეტი სამეცნიერო სტატიის და 5 მონოგრაფიის ავტორია. სხვადასხვა ევროპული ენიდან თარგმნილი აქვს მხატვრული ლიტერატურა: ო. ჰენრის ნოველების კრებული (ინგლისურიდან), კრისტიან პინოს ზღაპრების კრებული „ვარსკვლავი გალიაში“ (ფრანგულიდან), მე-20-ე საუკუნის ევროპული პოეზია (ინგლისური, გერმანული, ფრანგული, ესპანური და რუსული პოეზია). 50-მდე საკანდიდატო და სამი სადოქტორო დისერტაციის ხელმძღვანელია.
საკანდიდატო დისერტაციის თემა — „შექსპირის დრამების სტილის ავოლუცია“, დაიცვა 1960 წელს. სადოქტორო დისერტაციის თემა — „ლინგვისტური სტილისტიკის აგების პრინციპები და ენათა შეპირისპირების სტილისტური ასპექტი“, დაიცვა 1974 წელს.
1990-1991 წლებში იყო საქართველოს რესპუბლიკის უზენაესი საბჭოს წევრი საარჩევნო ბლოკი „მრგვალი მაგიდა — თავისუფალი საქართველოდან“.
მიღებული აქვს ივანე ჯავახიშვილის სახელობის მედალი.
ორგანიზაციის, ასოციაციის ან ჯგუფის წევრი
რედაქტირება- არასამთავრობო ორგანიზაცია „სოლიდრობა განათლებული საქართველოსთვის“, წევრი, ერთ-ერთი დამფუძნებელი
- ერევნის ენათმეცნიერების ინსტიტუტთან არსებული საკვალიფიკაციო საბჭოსა და ბაქოს უნევრსიტეტთან არსებული ლიტერატურული საბჭო, მიწვეული წევრი
- ლიტერატურის, საზღვარგარეთის ლიტერატურის და ზოგადი ენათმეცნიერების საკვლიფიკაციო საბჭო, წევრი
- საქართველოს უზენაესი საბჭო , წევრი (1990-1991)
- ქართული აკადემია, წევრი