ლუიჯი ბიჯიარელი
ლუიჯი ბიჯიარელი (იტალ. Luigi Bigiarelli; დ. 20 აგვისტო, 1876, რომი, იტალია — გ. 16 თებერვალი, 1908, ბრიუსელი, ბელგია) — იტალიელი სპორტსმენი და საფეხბურთო კლუბ რომის „ლაციოს“ დამაარსებელი.
 ლუიჯი ბიჯიარელი | |
| პირადი ინფორმაცია | |
|---|---|
| დაბ. თარიღი | 20 აგვისტო, 1876 |
| დაბ. ადგილი | რომი, იტალია |
| გარდ. თარიღი | 16 თებერვალი, 1908 |
| გარდ. ადგილი | ბრიუსელი, ბელგია |
| ქვეყანა | იტალიის სამეფო |
| სახეობა |
ცურვა სირბილი მსუბუქი მძლეოსნობა |
ბიოგრაფია
რედაქტირებალუიჯი ბიჯიარელი რომში დაიბადა და იგი ბავშვობიდანვე სპორტით იყო დაკავებული და არაერთ სპორტის სახეობაში იყო ცნობილი, როგორებიცაა ცურვა, სირბილი და მსუბუქი მძლეოსნობა. მას არაერთი მედალი და ჯილდო აქვს აღებული ამ სახეობებში, თუმცა მისი მთავარი მიღწევა და ცხოვრების მთავარი არსი ის იყო, რომ მან თავის რვა მეგობართან ერთად 1900 წლის 9 იანვარს პიაცა დი ლიბერტა-ს მოედანზე სპორტული კლუბი ჩამოაყალიბა, რომელსაც „ლაციო“ დაარქვეს. გუნდის სიმბოლოდ რომაული ლეგიონის არწივი აირჩიეს, ხოლო ფერებად კი თეთრი და ლურჯი, როგორც საბერძნეთის დროშა, ოლიმპიური თამაშების სამშობლო.
ლუიჯი ბიჯიარელი თავის შექმნილ კლუბს მხოლოდ 8 წელი მოესწრო, რადგან 1908 წლის 16 თებერვალს იგი გარდაიცვალა. ყოველ 9 იანვარს მას დიდ პატივს მიაგებენ როგორც რომში, ასევე ბრიუსელში.
რესურსები ინტერნეტში
რედაქტირება- ლუიჯი ბიჯიარელი — ბიოგრაფია დაარქივებული 2008-09-13 საიტზე Wayback Machine.
- ლუიჯი ბიჯიარელი — ბიოგრაფია