ლიტერი
ლიტერი (ლათ. lit(t)era — ასო-ნიშანი) — ლითონის, პლასტმასის ან ხის სწორკუთხა კვეთის ძელაკი, რომლის ერთ-ერთ წახნაგზე არის ასოს ან ნიშნის რელიეფური გამოსახულება. რელიეფური ანუ ამოზნექილი გამოსახულების დანიშნულებაა ასოებისა და ნიშნების აღწარმოება. პოლიგრაფიული ხერხით ბეჭდვისას ასო-ნიშნის თვალს საღებავით ფარავენ და ქაღალდზე ანაბეჭდს იღებენ. ყველაზე მეტად გავრცელებულია სასტამბო შენადნობისგან ჩამოსხმული ლითონის ლიტერი. ლიტერის ზომას განსაზღვრავს მისი კეგელი (k), სისქე(d) და სიმაღლე(h). ეს უკანასკნელი ყველა ლიტერისთვის მუდმივია.
![](http://upload.wikimedia.org/wikipedia/commons/thumb/e/e9/Metal_type.svg/200px-Metal_type.svg.png)
ლიტერატურა
რედაქტირება- ქართული საბჭოთა ენციკლოპედია, ტ. VI, თბ., 1983. — გვ. 259.