ლინდა ფიორენტინო
ლინდა ფიორენტინო (ინგლ. Linda Fiorentino; დ. 9 მარტი 1958, ფილადელფია, აშშ)[1] — ამერიკელი კინომსახიობი. იგი მეტად ცნობილი გახდა ისეთ ფილმებში შესრულებული როლებით, როგორებიცაა „დოგმა“, „მხედველობის ძებნა“, „მამაკაცები შავებში“, „სამსახურის შემდეგ“, „უკანასკნელი ცდუნება“.[2]
| ლინდა ფიორენტინო | |
|---|---|
| დაბადების სახელი | კლორინდა ფიორენტინო |
| დაბადების თარიღი |
9 მარტი 1958 ფილადელფია, აშშ |
| საქმიანობა | მსახიობი |
| აქტიური | 1985—დღემდე |
| მეუღლე(ები) | ჯონ ბაირამი (1992–1993) |
ბიოგრაფია
რედაქტირებალინდა ფიორენტინო დაიბადა ქალაქ ფილადელფიაში (პენსილვანია).[1] ფიორენტინო იტალო-ამერიკელი წარმოშობისაა.[3] დაამთავრა ვაშინგტონის უმაღლესი სკოლა, რის შემდეგ ხდება როუზმონტ კოლეჯის უმაღლეს სკოლადამთავრებული ფილადელფიის გარეუბანში.[4] 1987 წლიდან სწავლობდა ფოტოგრაფობაზე, საერთაშორისო ფოტოგრაფიის ცენტრში, ქალაქ ნიუ-იორკში.
ლინდა ფიორენტინომ თავისი პირველი როლი კინოში მიიღო 1985 წელს, როდესაც მან ითამაშა ფილმში „მხედველობის ძებნა“. 1990-იან წლებში ფიორენტინო ცნობილი მსახიობი ხდება. 1994 წელს შეასრულა როლი ფილმში „უკანასკნელი ცდუნება“, სადაც ითამაშა ფატალური ქალის ბრიჯიტის როლი. აღნიშნული როლისთვის ფიორენტინოს ჯილდოები მიენიჭა, ამასთანავე ერთხანს დაიწყო საუბრები ლინდა ფიორენტინოსთვის ოსკარის შესაძლო ნომინაციაზე, თუმცა მანამ ფილმს კინოთეატრებში გამოუშვებდნენ იგი საჩვენებლად საკაბელო ტელევიზიაში (HBO) გაუშვეს, რამაც გამოიწვია მსახიობის დისკვალიფიკაცია.
მოგვიანებით ფიორენტინო რეჟისორ ჯონ დალთან თანამშრომლობს. 1996 წელს ჯონ დალმა გადაიღო ფილმი „დაუვიწყარი“, სადაც ერთ-ერთი მთავარი როლი ფილმში ლინდა ფიორენტინომ შეასრულა. 2000 წელს ითამაშა კომედიურ-კრიმინალურ ფილმში „იქ სადაც ფულია“, სადაც მისი პარტნიორი გახდა ჰოლივუდის ვარსკვლავი პოლ ნიუმანი. 2002 წელს მიიღო მონაწილეობა ფილმში „მიზანში“, ხოლო 2009 წელს კინოფილმში „კიდევ ერთხელ გრძნობით“.[5]
1992-1993 წლებში ქორწინებაში იმყოფებოდა რეჟისორ ჯონ ბაირამთან.
ფილმოგრაფია
რედაქტირება| წელი | ქართული სახელი | ორიგინალი | როლი |
|---|---|---|---|
| 1985 | მხედველობის ძებნა | Vision Quest | კარლა |
| 1985 | გოტჩა! | Gotcha! | საშა |
| 1985 | სამსახურის შემდეგ | After Hours | კიკი |
| 1988 | ველური ცეცხლი | Wildfire | კეი |
| 1988 | მოდერნისტები | The Moderns | რეიჩელი |
| 1991 | უცხო ადამიანები | Strangers | ჰელენი |
| 1991 | ყვირილი | Shout | მოლი |
| 1991 | კვინსის ლოგიკა | Queens Logic | კარლა |
| 1992 | სურვილის ჯაჭვი | Chain of Desire | ალმა |
| 1992 | კანონის მიღმა | Beyond the Law | რენი |
| 1993 | მოქმედება იმპულსის მიხედვით | Acting on Impulse | სიუზანი |
| 1994 | უკანასკნელი ცდუნება | The Last Seduction | ბრიჯეტი |
| 1994 | ტრეილის დამწუხრება | The Desperate Trail | სარა |
| 1995 | ცელქი | Jade | ტრინა |
| 1996 | დაუვიწყარი | Unforgettable | მართა |
| 1996 | მეტი ვიდრე ცხოვრება | Larger than Life | ტერი |
| 1997 | მამაკაცები შავებში | Men in Black | ლაურელი |
| 1997 | გაწევა ფაზის მიხედვით | Kicked in the Head | მეგანი |
| 1998 | მოკლულთა დათვლა | Body Count | ნატალი |
| 1999 | დოგმა | Dogma | ბეთანი |
| 2000 | ჩვეულებრივი დამნაშავე | Ordinary Decent Criminal | კრისტინა |
| 2000 | რომელი პლანეტიდან ხარ? | What Planet Are You From? | ჰელენი |
| 2000 | იქ სადაც ფულია | Where the Money Is | ქეროლი |
| 2002 | მიზანში | Liberty Stands Still | ლიბერტი |
| 2009 | კიდევ ერთხელ გრძნობით | Once More with Feeling | ლიდია |
რესურსები ინტერნეტში
რედაქტირებასქოლიო
რედაქტირება- ↑ 1.0 1.1 Linda Fiorentino Biography. filmreference.com.
- ↑ http://www.mahalo.com/Linda_Fiorentino
- ↑ Seitz, Matt Zoller. Iron butterfly: Last Seduction star Linda Fiorentino revels in bitchiness დაარქივებული 2011-06-17 საიტზე Wayback Machine. , Dallas Observer, November 24, 1994. Accessed July 3, 2008.
- ↑ "Linda Fiorentino prevails with dignity", The Philadelphia Inquirer, July 16, 2003, Page E02
- ↑ დაარქივებული ასლი. დაარქივებულია ორიგინალიდან — 2011-11-27. ციტირების თარიღი: 2011-08-25.