ლამარა ბოკერია

ლამარა ბოკერია (დ. 28 თებერვალი, 1928, თბილისი — გ. 13 ივლისი, 2019, იქვე) — ქართველი სცენარისტი. პოეტ მუხრან მაჭავარიანის მეუღლე.

ბიოგრაფია

დაიბადა 1928 წლის 28 თებერვალს ქ. თბილისში. 1950 წელს დაამთავრა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი. 1951-1952 წლებში მუშაობდა გამომცემლობაში ინგლისურ-ქართული ლექსიკონის კორექტორად; 1953-1969 წლებში საქართველოს ტელევიზიისა და რადიომაუწყებლობის სახელმწიფო კომიტეტის სხვადასხვა რედაქციებში (პროპაგანდის, სოფლის მეურნეობის, საბავშვო გადაცემათა) რედაქტორად; 1968–1992 წლებში კომპანია „ქართულ ტელეფილმში“ უფროს რედაქტორად, სასცენარო-სარედაქციო კოლეგიის წევრად..

ფილმოგრაფია

სცენარის ავტორია ფილმების:

1. გზა ჭადრაკის დედოფლის გვირგვინისაკენ (1986) — დოკუმენტური
2. უკანასკნელი ნახტომი (1977) — დოკუმენტური
3. მომღერალი თიხა (1975) — დოკუმენტური
4. სერგო ზაქარიაძე (1971) — დოკუმენტური
5. შორია გურჯისტანამდე (1970) — დოკუმენტური

რესურსები ინტერნეტში

• ქართული ფილმების ეროვნული ფილმოგრაფია დაარქივებული 2016-04-19 საიტზე Wayback Machine.