კორორი (ქალაქი)

კორორი (ინგლ. Koror) — ყველაზე დიდი ქალაქი (2006 წლის 7 ოქტომბრამდე იყო პალაუს დედაქალაქი) აშშ-თან თავისუფლად ასოცირებულ კუნძულოვან სახელმწიფო პალაუში. კორორის შტატის ადმინისტრაციული ცენტრი.

გეოგრაფია

ქალაქი მდებარეობს კუნძულ კორორზე (ან ორეორი), რომელიც შედის კაროლინის კუნძულების შემადგენლობაში. კორორის პორტი მდებარეობს მეზობელ კუნძულ მალაკალზე.

მოსახლეობა — დაახლოებით 10 500 ადამიანი (2007 წლის შეფასება). ძირითადი ეთნიკური ჯგუფებია — მიკრონეზიელები (80 %) და ფილიპინელები (19 %).

ოფიციალური ენებია: ინგლისური და ბელაუ (პალაუ). მაგრამ ქალაქის ზოგიერთი მოსახლე ლაპარაკობს იაპონურად და ტობის ენაზე.

კუნძულზე განვითარებულია ტურისტული ინდუსტრია — ქალაქში მდებარეობს 22 ოტელი და 8 მოტელი.