კორნელია ენდერი
კორნელია ენდერი (გერმ. Kornelia Ender; დ. 25 ოქტომბერი, 1958, პლაუენი, კარლ-მარქს-შტადტის ოლქი, გდრ) — გერმანელი მოცურავე (გამოდიოდა გდრ-ის სახელით). 1976 წლის ზაფხულის ოლიმპიურ თამაშებზე გახდა პირველი ქალი მოცურავე, რომელმაც მოიგო ოთხი ოქროს მედალი ერთ ოლიმპიურ თამაშებზე, ოთხივე რეკორდული დროით.[1] მოგვიანებით დადასტურდა, რომ აღმოსავლეთ გერმანიის ექიმები სისტემატიურად აძლევდნენ სტეროიდებს სპორტსმენებს (თუმცა ამის შესახებ სპორტსმენებმა არ იცოდნენ).[2] 1976 წელს კორნელიასაც გამოუვლინდა სტეროიდების მოხმარების სიმპტომები (ღრმა ხმა, განვითარებული სხეული), რამაც ძლიერი ეჭვი გააჩინა ენდერის მიღწევებზე.
 | |
| პირადი ინფორმაცია | |
|---|---|
| დაბ. სახელი | გერმ. Kornelia Ender |
| სრული სახელი | გერმ. Kornelia Ender (-Matthes, -Grummt) |
| ეროვნება | გერმანელი |
| დაბ. თარიღი | 25 ოქტომბერი, 1958 |
| დაბ. ადგილი | პლაუენი, კარლ-მარქს-შტადტის ოლქი, გდრ |
| სიმაღლე | 172 სმ |
| წონა | 59 კგ |
| სპორტი | |
| ქვეყანა |
თარგი:ქვეყნის მონაცემები გდრ გერმანია |
| სპორტი | ცურვა |
| კლუბი | SV Halle |
| ჯილდოები | Patriotic Order of Merit in Gold, International Swimming Hall of Fame, Sportsman of the year, Sportsman of the year, Sportsman of the year და Sportsman of the year |
ენდერი ადრეული ასაკიდან ემზადებოდა და 1972 წლის მიუნხენის ოლიმპიადაზე, 13 წლის ასაკში, მოიგო პირველი სამი ვერცხლის მედალი, მათ შორის ერთი — 200 მეტრზე ინდივიდუალურ ესტაფეტაში. მომდევნო წლებში მან ინდივიდუალურ გაცურვებში 32 მსოფლიო რეკორდი დაამყარა, მათ შორის ოთხი მონრეალის ოლიმპიადაზე. საერთო ჯამში ოლიმპიადებზე კორნელიას მოგებული აქვს ოთხი ოქროსა და ოთხი ვერცხლის მედალი, რაც მას ხდის ერთ-ერთ ყველაზე წარმატებულ მოცურავეს ოლიმპიადების ისტორიაში.[3] მსოფლიო ჩემპიონატებზე კორნელიას მოგებული აქვს რვა ოქროსა და ორი ვერცხლის მედალი.[4] ძალიან ბევრი კითხვა ისმოდა 1976 წლის გამოსვლაზე. მოგვაინებით გდრ-ის მწვრთნელებმა დაადასტურეს რომ სპორტსმენებს სტეროიდებს აძლევდნენ. ენდერმა განაცხადა, რომ არ იცოდა იმ ნივთიერებებზე, რომლითაც სამწვრთნელო შტაბი მას ამარაგებდა.[2] 1981 წელს კორნელია ენდერი შეყვანილ იქნა ცურვის საერთაშორისო დიდების დარბაზში.[5]
მან სპორტული კარიერა 18 წლის ასაკში 1977 წელს დაასრულა.
ენდერი ოთხი წლის განმავლობაში დაქორწინებული იყო, აღმოსავლეთ გერმანელ მოცურავეზე და მრავალგზის ოლიმპიურ ჩემპიონ, როლანდ მატისზე. ამჟამად ის დაქორწინებულია გერმანელ მძლეოსან სტეფენ გრუმტზე.
სქოლიო
რედაქტირება- ↑ http://www.britannica.com/biography/Kornelia-Ender
- ↑ 2.0 2.1 http://www.espn.com/olympics/summer08/fanguide/athlete?athlete=3612[მკვდარი ბმული]
- ↑ http://www.olympic.org/kornelia-ender
- ↑ დაარქივებული ასლი. დაარქივებულია ორიგინალიდან — 2009-03-18. ციტირების თარიღი: 2019-02-26.
- ↑ http://ishof.org/kornelia-ender-(gdr).html