კლერ კლემენს დე მაიე-ბრეზე
კლერ კლემენს დე მაიე-ბრეზე (ფრანგ. Claire Clémence de Maillé-Brézé; დ. 25 თებერვალი, 1628 — გ. 16 აპრილი, 1694) — ფრანგი არისტოკრატი, ბრეზის ოჯახის წარმომადგენელი. კარდინალი რიშელიეს დის შვილი. კონდეს პრინცესა 1646-86 წლებში როგორც ლუი II-ის მეუღლე. კონდეს პრინც ანრი ჟიულის დედა.
| კლერ კლემენს დე მაიე-ბრეზე | |
|---|---|
 | |
| კონდეს პრინცესა | |
| მმართ. დასაწყისი: | 26 დეკემბერი, 1646 |
| მმართ. დასასრული: | 11 ნოემბერი, 1686 |
| წინამორბედი: | შარლოტ მარგარიტა დე მონმორანსი |
| მემკვიდრე: | ანა ჰენრიეტა კურპფალცელი |
| პირადი ცხოვრება | |
| დაბ. თარიღი: | 25 თებერვალი, 1628 |
| გარდ. თარიღი: | 16 აპრილი, 1694, (66 წლის) |
| მეუღლე: |
ლუი II, კონდეს პრინცი (ქ. 1641 - გარდ. 1686) |
| შვილები: | ანრი ჟიული, კონდეს პრინცი |
| მამა: | ურბანი, ბრეზის მარკიზი |
| დედა: | ნიკოლ დიუ პლესი |
| რელიგია: | კათოლიციზმი |
| ხელმოწერა: |
 |
ბიოგრაფია
რედაქტირებაკლერ კლემენსი დაიბადა 1628 წლის 25 თებერვალს, საფრანგეთის ისტორიულ რეგიონ ანჟუში. იგი იყო ბრეზის მარკიზ ურბან დე მაილესა და მისი მეუღლის, კარდინალ რიშელიეს ღვიძლი დის, ნიკოლ დიუ პლესის ასული. კლერ კლემენსი მხოლოდ ერთი უმცროსი ძმა ჰყავდა, ჟან არმან დე მაილე-ბრეზი, რომელიც შემდგომში საფრანგეთის სამეფო ფლოტილიის ადმირალი გახდა.
როდესაც მას ხუთი წელი შეუსრულდა, ბიძამისმა, კარდინალმა რიშელიემ იგი მეფის ბიძაშვილზე, კონდეს პრინც ანრი II-ის უფროს ვაჟზე, ენგიენის ჰერცოგ ლუი დე ბურბონზე დანიშნა. ვინაიდან ამით კლარა სამეფო ოჯახის წევრი უნდა გამხდარიყო, მისმა მშობლებმა იგი საუკეთესო განათლებით უზრუნველყვეს.
ცნობილია, რომ ენგიენის ჰერცოგს საერთოდ არ მოსწონდა თავისი საცოლე, რაც მთელი ცხოვრება ასე იყო, რის გამოც ქორწინებამდე და მას შემდეგაც ლუის უამრავი საყვარელი ჰყავდა. თუმცა იმავეს ვერ ვიტყვით ანრი II-ზე, რომელსაც სარძლო ძალიან მოსწონდა და ყოველთვის მფარველობდა მას.
1641 წლის 11 თებერვალს შედგა კლერ კლემენსისა და ლუი დე ბურბონის ქორწინება, რის შემდეგაც კლარა ენგიენის ჰერცოგინიად გვევლინება. 1646 წელს მამამთილის გარდაცვალების შემდეგ კონდეს პრინცი მისი ქმარი ლუი II ხდება, თავად კი კონდეს ახალი პრინცესა გახდა. მისი მეუღლე პირველი რანგის სამეფო სისხლის წარმომადგენელი და მაშასადამე სამეფო ოჯახის ერთ-ერთი წარმომადგენელი იყო. თუმცა ამას ლუისათვის ხელი არ შეუშლია მეფისა და დედა-დედოფალ ანა ავსტრიელის წინააღმდეგ მრავალწლიანი სამოქალაო ომი გაეჩაღებინა, რაც ისტორიაში "ფრონდას" სახელითაა ცნობილი.
1651 წელს ანა ავსტრიელის ბრძანებით ლუი, მისი ძმა და სიძე დააპატიმრეს. კლარამ თავიდან პარლამენტს მიმართა და ქმრის განთავისუფლება მოსთხოვა, რაზეც მან უარი მიიღო. ამის შემდეგ იგი ბორდოში წავიდა და დიდი ჯარების შეგროვება დაიწყო, რის გამოც დედა-დედოფალი კომპრომისზე წამოვიდა და ლუი გაანთავისუფლა.
ამის შემდეგ ის და მისი ქმარი თავდაპირველად შატო დე შანტილში დასახლდნენ, რის შემდეგაც ლუი მეფესა და ანა ავსტრიელს შეურიგდა და კვლავ შორეულ ბრძოლებში გაემართა, რომლიდანაც 1675 წელს საბოლოოდ დაბრუნდა და კლარასთან ერთად იგი კვლავ შანტილში დასახლდა. აქ იგი 11 წლის შემდეგ, 1686 წელს გარდაიცვალა, რის შემდეგაც კონდეს პრინცი კლარას ვაჟი ანრი ჟიული გახდა, რომელიც დედასთან ერთად გადასახლდა ვერსალის სამეფო კარზე.
კლერ კლემენსი გარდაიცვალა 1694 წლის 16 აპრილს, 66 წლის ასაკში.
შვილები
რედაქტირება- ანრი ჟიული (1643-1709), კონდეს პრინცი. ცოლად შეირთო ანა ჰენრიეტა კურპფალცელი, რომელთანაც ათი შვილი შეეძინა;
- ლუი (1652-1653), ბურბონის ჰერცოგი. გარდაიცვალა მცირეწლოვანი;
- უსახელო გოგონა (1657-1660), მადმუაზელ დე ბურბონი, გარდაიცვალა მცირეწლოვანი.
ტიტულატურა
რედაქტირება- 25 თებერვალი 1628 - 11 თებერვალი 1641: მადმუაზელ დე ბრეზი;
- 11 თებერვალი 1641 - 26 დეკემბერი 1646: მისი უაღრესად მშვიდი უდიდებულესობა ჰერცოგინია დე ენგიენი;
- 26 დეკემბერი 1646 - 11 ნოემბერი 1686: მისი უაღრესად მშვიდი უდიდებულესობა პრინცესა დე კონდე;
- 11 ნოემბერი 1686 - 16 აპრილი 1694: მისი უაღრესად მშვიდი უდიდებულესობა ქვრივი პრინცესა დე კონდე;
ლიტერატურა
რედაქტირება- Marthe Poussard was the daughter of the king's gentleman of the bedchamber François Poussard, marquis de Fors and baron du Vigean, and of Anne de Neubourg, daughter of Roland, sieur de Sercelles.
- Ouvrard, Jean-Marie. "Poussard". Les Blasons de la Charente . Retrieved 2008-04-13.
- Spanheim, Ézéchiel (1973). Bourgeois, Émile, ed. Relation de la Cour de France. Le Temps retrouvé (in French). Paris: Mercure de France. p. 319.
- "Forteresse de Saint-Amand-Montrond" . Retrieved 8 December 2009.
- Lenet, Pierre (1826) Mémoires. (Collection des Mémoires relatifs à l’histoire de France; eds. Petitot et Monmerqué; tome LIII). Paris: Librairie Foucault