კასრისხევი

კასრისხევი, კასარა — კლდეკარისებრი მონაკვეთი თრუსოს ხეობის ქვემო ნაწილში, ყაზბეგის მუნიციპალიტეტში. კასრისხევი სოფელ კობიდან 5-6 კმ დაშორებით მდებარეობს. სიგრძე 2 კმ, ფსკერის აბსოლუტური სიმაღლე 2100-2200 მ. წარმოიქმნა მეოთხეული პერიოდის ბოლოში, მცირე ხორისარის ვულკანის კრატერიდან ამონთხეული ლავური ღვარის ეროზიული გახერხვის შედეგად. კასრისხევში გამოდის უხვდებიტიანი მინერალური წყაროები და გროვდება ტრავერტინები.

ლიტერატურა

• მარუაშვილი ლ., ენციკლოპედია „საქართველო“, ტ. 4, თბ., 2018. — გვ. 568.