კადმუსის ბრძოლა — ბრძოლა ჯვაროსნებსა და თურქ-სელჩუკებს შორის. გაიმართა 1148 წელს. ჯვაროსნებს მეთაურობდა მეფე ლუი VII, ხოლო თურქ-სელჩუკებს რუმის სულთანი მასუდ I. გაიმართა ანტიკურ ქალაქ ლაოდიკეასთან ახლოს. დასრულდა ჯვაროსნების დამარცხებით[1].
მეფე ლუდოვიკ VII სათავეში ჩაუდგა ფრანგების ჯვაროსნულ არმიას, რომლებიც ევროპიდან მცირე აზიის გავლით იერუსალიმში ჩავიდნენ. 1147 წლის დეკემბრის დასაწყისში ფრანგული ჯარი გაჩერდა დასასვენებლად ძველ ქალაქ ეფესოს მახლობლად, სანამ გააგრძელებდნენ გზას მდინარე მენდერესის ხეობით ადალიის პორტამდე.
თურქ-სელჩუკების თავდასხმა მდინარე მენდერესთან დამთავრდა წარუმატებლად. ფრანგებმა გააგრძელეს მოძრაობა ლაოდიკეისკენ, რომელსაც მიუახლოვდნენ 6 იანვარს ნათლისღების დღესასწაულზე. შემდეგ ისინი დაიძრნენ მთებისაკენ, რომელიც ფრიგიას ჰყოფს პისიდიისაგან.
ავანგარდი ჟოფრუა დე რანკონის ხელმძღვანელობით საკმაოდ წინ წავიდა ძირითადი ძალისაგან. ლუი VII-მ, რომელიც ხელმძღვანელობდა ძირითად ძალებს, გააგრძელა მოძრაობა. ფრანგი ჯარისკაცები დარწმუნებულები იყვნენ, რომ მათი წინამავალი რაზმი დაიპყრობდა სიმაღლეებს და დაიმედებულნი მიდიოდნენ წინ. სელჩუკები მოულოდნელად დაესხნენ თავს ჯვაროსნების ძირითად რაზმს და მათ რიგებში არეულობა გამოიწვიეს. ფრანგებმა უკან დაიხიეს და შევიდნენ ვიწრო და ღრმა ხეობაში. ჯვაროსნებმა დიდი დანაკლისი განიცადეს. დაღამებისას მეფის არმიას შეუერთდა ავანგარდი. 20 იანვარს დამარცხებულმა ჯვაროსნებმა მიაღწიეს ადალიას.
- Odo of Deuil, De profectione Ludovici VII in Orientem, trans. V.G. Berry (New York: W.W. Norton and Co., 1948).
- William of Tyre, A History of Deeds Done Beyond the Sea, trans. E.A. Babcock and A.C. Krey (Columbia University Press, 1943).
- Jonathan Phillips, The Second Crusade: Extending the frontiers of Christendom, (Yale University Press, 2007).
- Runciman, Steven (1952). A History of the Crusades: The Kingdom of Jerusalem and the Frankish East, 1100–1187 (Vol. 2). Cambridge: Cambridge University Press, გვ. 272. ISBN 0-521-34771-8.
- ↑ Nicolle, David and Christa Hook, The Second Crusade 1148: Disaster Outside Damascus, (Osprey Publishing, 2009), 62.
.svg){kind=small}