იუნიქსის დრო

იუნიქს-დრო ან POSIX დრო (ინგლ. Unix time) — დროის აღწერის სისტემა, რომელიც გვაძლევს ფარდობით დროს იუნიქსის დაარსების დროსთან (1970 წლის 1 იანვრის შუა ღამე) მიმართებაში. იუნიქსის დრო მიმდინარე მომენტში რიცხობრივად ტოლია 1970 წლის 1 იანვრიდან გასული წამების რაოდენობის. მაგალითად, 2012 წლის 2 ივლისს 21:11:38 საათზე იუნიქსის დრო არის 1341249098.

2038 წლის 19 იანვარს 03:14:08-ზე 32 ბიტიანი time_t ცვლადის გადავსება მოხდება. ამ პრობლემის აღმოფხვრა შესაძლებელია დროის შენახვის 64 ბიტიან ცვლადზე გადასვლით, ეს ცვლადი კი უახლოესი 300 მილიარდი წლის მანძილზე სრულიად საკმარისი იქნება.

იუნიქსის კლონ სისტემებში იუნიქსის დროის გაგება ამ ბრძანებით შეიძლება: date +%s