იოზეფ ჰოფმანი

იოზეფ ჰოფმანი (გერმ. Josef Hoffmann; დ. 15 დეკემბერი, 1870, ბრტნიცე — გ. 5 მაისი, 1956, ვენა) — ავსტრიელი არქიტექტორი.

იოზეფ ჰოფმანი

სწავლობდა ვენის სამხატვრო სამრეწველო სკოლაში კ. ჰაზენაუერთან და ო. ვაგნერთან. მონაწილეობდა „ვენის სეცესიონის“ (1897), „ვენის სახელოსნოების“ (1903), „ავსტრიის ვერკბუნდის“ (1912) ორგანიზაციაში. ვენური „მოდერნის“ წამყვანი წარმომადგენელი. მთელი რიგი ნამუშევრების რაციონალური ხასიათით გზას უკაფავდა ფუნქციონალიზმს. მისი ნამუშევრებია: სანატორიუმი პურკერსდორფში, ვენის მახლობლად (1903-1904), ავსტრიის პავილიონები გამოფენებზე (ვერკბუნდისა და კელნში 1914 და სხვა.).

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 691.