ივანე ჯავახიშვილის ხიდი
ივანე ჯავახიშვილის ხიდი — საფეხმავლო ხიდი თბილისში, ვაკის რაიონში, მდინარე ვერეზე. ერთმანეთთან აკავშირებს უნივერსიტეტის ქუჩაზე მდებარე თბილისის სახელმწიფო უნივერსიტეტის კორპუსებს (მ.შ. მაღლივი კორპუსი) და სტუდენტურ საცხოვრებელს (ბაგები).[1][2] ხიდის პროექტი შედგენილია სსრკ სატრანსპორტომშენებლობის სამინისტროს საპროექტო ინსტიტუტ „თბილსახავტოგზაპროექტში“ 1973 წელს პროფ. გიორგი ქარცივაძის მიერ დამუშავებული სქემის მიხედვით. არის ერთპილონიანი ვანტური ხიდი. მალა და პილონი ფოლადისაა.[3] პილონი არასიმეტრიულადაა განლაგებული — 48 და 152 მეტრი (ეს ნაწილია მდინარეზე გადადებული), სულ 200 მეტრი, საერთო სიგრძე მისასვლელების ჩათვლით 224 მეტრი. პილონის სიმაღლე 64 მეტრია, ხიდის მალა მდინარის დონიდან აწეულია 50 მეტრზე.[4] 2018 წელს სარეაბილიტაციო სამუშაოები ჩაუტარდა.[2] 2019 წელს ეწოდა ივანე ჯავახიშვილის სახელი, მანამდე „მაღლივის ხიდის“ სახელით იყო ცნობილი.[5]
ივანე ჯავახიშვილის ხიდი | |
---|---|
კოორდინატები: 41°42′53″ ჩ. გ. 44°43′21″ ა. გ. / 41.714972° ჩ. გ. 44.722750° ა. გ. | |
ადგილმდებარეობა | ვაკის რაიონი (უნივერსიტეტის ქუჩა და ბაგები) |
ისტორიული სახელწოდება | მაღლივის ხიდი |
გამოყენების სფერო | ძირითადად საუნივერსიტეტო მიმოსვლა (საფეხმავლო) |
გადებულია | ვერე |
კონსტრუქციის ტიპი | ერთპილონიანი ვანტური ხიდი |
მასალა | ფოლადი |
სიგრძე | 200 მ |
კონსტრუქციის სიმაღლე | 64 მ |
თაღის სიმაღლე წყლიდან | 50 მ |
კონსტრუქტორი/არქიტექტორი | გიორგი ქარცივაძე |
სქოლიო რედაქტირება
- ↑ „₾35 მლნ-იანი პროექტი - უნივერსიტეტის ქუჩა და ბაგები ერთმანეთს ხიდით დაუკავშირდება“. Business-Partner.ge. ციტირების თარიღი: 21 იანვარი, 2024. შეამოწმეთ თარიღის პარამეტრი
|access-date=
-ში (დახმარება) - ↑ 2.0 2.1 „უნივერსიტეტის მაღლივ კორპუსთან საფეხმავლო ხიდის რეაბილიტაცია დასრულდა“. tbilisi.gov.ge. ციტირების თარიღი: 21 იანვარი, 2024. შეამოწმეთ თარიღის პარამეტრი
|access-date=
-ში (დახმარება) - ↑ ქ. თბილისში მდ. ვერეზე (ივ. ჯავახიშვილის სახელობის უნივერსიტეტის მაღლივ კორპუსთან მდებარე) საქვეითო ხიდის რეაბილიტაცია-რეკონსტრუქციის სამუშაოების საპროექტო დოკუმენტაცია, ტ. I. საქგზამეცნიერება (2016). ციტირების თარიღი: 21 იანვარი, 2024
- ↑ ქ. თბილისში მდ. ვერეზე (ივ. ჯავახიშვილის სახელობის უნივერსიტეტის მაღლივ კორპუსთან მდებარე) საქვეითო ხიდის რეაბილიტაცია-რეკონსტრუქციის სამუშაოების საპროექტო დოკუმენტაცია, ტ. IV. საქგზამეცნიერება (2016). ციტირების თარიღი: 21 იანვარი, 2024
- ↑ ქალაქ თბილისში, ვაკის რაიონში, ე.წ. „მაღლივის ხიდისთვის“ ივანე ჯავახიშვილის სახელის მინიჭების შესახებ. საქართველოს საკანონმდებლო მაცნე (29 მარტი, 2019). ციტირების თარიღი: 21 იანვარი, 2024