თევდორე გარსევანიშვილი

თევდორე დავითის ძე გარსევანიშვილი (დ. 20 მარტი, 1924, გორი — გ. 8 აპრილი, 1987) — ქართველი და საბჭოთა სამხედრო პირი. საბჭოთა კავშირის დამსახურებული სამხედრო მფრინავი (1967).

თევდორე გარსევანიშვილი
ეროვნება	ქართველი
დაბადების თარიღი	20 მარტი, 1924
დაბადების ადგილი	გორი, საქართველოს სსრ, საბჭოთა კავშირი
გარდაცვალების თარიღი	8 აპრილი, 1987 (63 წლის)
გარდაცვალების ადგილი	კიევი, უკრაინის სსრ, საბჭოთა კავშირი
სამხედრო სამსახურის წლები	1941–1974
წოდება	პოლკოვნიკი
ჯილდოები
სამსახურიდან გადადგომა	8 ოქტომბერი, 1974

ბიოგრაფია

თევდორე გარსევანიშვილმა 1941 წელს დაამთავრა თბილისის საფრენოსნო სკოლა, 1944 წელს — კრასნოდარის საპილოტო სასწავლებელი. მეორე მსოფლიო ომის დროს იბრძოდა უკრაინის პირველ ფრონტზე. მონაწილეობდა პოლონეთისა და ჩეხოსლოვაკიის განთავისუფლების, ბერლინის აღებისა და კვანტუნის არმიის წინააღმდეგ ბრძოლებში. მის ანგარიშზეა 74 საბრძოლო გაფრენა. ჩამოაგდო მტრის 7 თვითმფრინავი; კიევის მახლობლად ბროვანში მემორიალად დგას ომში გადარჩენილი მისი საბრძოლო თვითმფრინავი.

ომის შემდეგ თევდორე გარსევანიშვილი მონაწილეობდა სამხედრო აეროდრომების დაგეგმარებასა და მშენებლობაში.

1964 წელს გახდა ავიაციის პოლკოვნიკი. 1967–1979 წლებში მას ეკუთვნოდა რთულ მეტეოროლოგიურ პირობებში ფრენის ხანგრძლივობის რეკორდი. დაჯილდოებულია 3 წითელი ვარსკვლავის, წითელი დროშის ორდენებითა და მრავალი მედლით, აგრეთვე უცხოური ჯილდოებით.

თევდორე გარსევანიშვილი გარდაიცვალა კიევში, 1987 წლის 8 აპრილს.

ჯილდოები

• წითელი დროშის ორდენი
• მედალი „პრაღის განთავისუფლებისთვის“
• მედალი „ბერლინის აღებისთვის“
• მედალი „1941-1945 წლების დიდ სამამულო ომში გერმანიაზე გამარჯვებისათვის“
• მედალი „1941-1945 წლების დიდ სამამულო ომში მამაცური შრომისათვის“
• მედალი „იაპონიაზე გამარჯვებისათვის“
• წითელი ვარსკვლავის ორდენი
• მედალი „საბრძოლო დამსახურებისათვის“
• წითელი ვარსკვლავის ორდენი
• წითელი ვარსკვლავის ორდენი
• სამამულო ომის II ხარისხის ორდენი

ლიტერატურა

• ენციკლოპედია „საქართველო“, ტ. 1, თბ., 1997. — გვ. 563.

რესურსები ინტერნეტში

• თევდორე გარსევანიშვილი — საქართველოს ბიოგრაფიული ლექსიკონი