თამაზ ხმელიძე

თამაზ პეტრეს ძე ხმელიძე (დ. 29 ივლისი, 1947, ქუთაისი) — ქართველი მშენებელი, საქართველოს ტექნიკური უნივერსიტეტის სამშენებლო ფაკულტეტის სრული პროფესორი, აკადემიური დოქტორი, სამშენებლო ფაკულტეტის სადისერტაციო საბჭოს თავმჯდომარის მოადგილე, „სამშენებლო განმარტებითი ლექსიკონის“ სარედაქციო კოლეგიის თავმჯდომარე.

თამაზ ხმელიძე
დაბ. თარიღი	29 ივლისი, 1947(1947-07-29) (77 წლის)
დაბ. ადგილი	ქუთაისი, საქართველოს სსრ, სსრკ
მოქალაქეობა	სსრკ  საქართველო
საქმიანობა	მშენებელი
ალმა-მატერი	საქართველოს ტექნიკური უნივერსიტეტი

ბიოგრაფია

თანაზ ხმელიძე დაიბადა 1947 წლის 29 ივლისს ქ. ქუთაისში. 1965 წელს ოქროს მედალზე დაამთავრა ქუთაისის 25-ე საშუალო სკოლა. 1970 წელს წითელ დიპლომზე დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით. 1971 წელს მუშაობა დაიწყო თბილისის ზონალურ სამეცნიერო-კვლევით ექსპერიმენტული დაპროექტების (თბილზნიიეპი) ინსტიტუტში ინჟინერ-კონსტრუქტორად. 1972 წლიდან მუშაობს საქართველოს ტექნიკურ უნივერსიტეტში (ადრე პოლიტექნიკური ინსტიტუტი) სამშენებლო კონსტრუქციების კათედრაზე - ლაბორანტად, ლაბორატორიის გამგედ, ასისტენტად, უფროს მასწავლებლად, დოცენტად და 2008 წლიდან დღემდე სრულ პროფესორად.

პედაგოგიური გამოცდილება

• სტუ, სამშენებლო კონსტრუქციები (პროფესიული).
• სტუ, ხისა და პლასტმასის კონსტრუქციები (ბაკალავრიატი, მაგისტრატურა).
• სტუ, ლითონის კონსტრუქციები (ბაკალავრიატი, მაგისტრატურა).
• სტუ, სპეცკურსი ხისა და პლასტმასის კონსტრუქციებში (მაგისტრატურა).
• სტუ, სამშენებლო კონსტრუქციები-ლითონი, ხე, პლასტმასი (დოქტორანტურა).
• სტუ, შედგენილი ხის კონსტრუქციების გაანგარიშებების თავისებურებები არაწრფივი დამოკიდებულებების გათვალისწინებით (დოქტორანტურა).
• გორის სახელმწიფო სასწავლო უნივერსიტეტი, სამშებლო კონსტრუქციები (პროფესიული).

სამეცნიერო აქტივობა

• სწავლებაში ვიზუალური თვალსაჩინო საშუალებების გამოყენების ეფექტურობა.
• მერქნის თბოგადაცემის მახასიათებლების, დრეკადი თვისებების, სიმტკიცის, დანახშირების სიჩქარის, ფიზიკურ-მექანიკური თვისებების, დაწებებულ კოჭებში ტემპერატურული ველების ექსპერიმენტული კვლევა ამაღლებული ტემპერატურის პირობებში.
• ექსპერიმენტული კვლევის შედეგების სტატისტიკური დამუშავება სხვადასხვა (შოვენეს, სტიუდენტის, ვილკოკსონის და სხვ.) კრიტერიუმების დახმარებით.
• ხის კონსტრუქციების გაანგარიშება ცეცხლმედეგობაზე.
• მეტალოპლასტმასის კარ-ფანჯრები, მათი დამზადება და გაანგარიშების მეთოდიკის ჩამოყალიბება.
• დრეკადობის თეორიის ზოგიერთი ამოცანის კრიტიკული ანალიზი. ჰუკის განზოგადოებული კანონის პრაქტიკაში გამოყენების ზოგიერთი უზუსტობანი.

საზოგადოებრივი საქმიანობა

• ფაკულტეტის სტუდენტთა სამეცნიერო საზოგადოების თავმჯდომარე.
• ფაკულტეტის სასწავლო-მეთოდური კომისიის წევრი.
• ფაკულტეტის დიპლომების დაცვის სახელმწიფო კომისიის მდივანი და წევრი.
• ფაკულტეტის საბჭოს წევრი.
• თბილისის ორჯონიკიძის რაიონის აღმასკომის საუწყებათაშორისო კომისიის წევრი.
• სტუდენტური ყამირული მოძრაობის (III შრომითი სემესტრი) ვეტერანი. მისი ხელმძღვანელობით ქართველი სტუდენტები მუშაობდნენ შემდეგ ქალაქებში: ქ. გალი (1976 წ. 300 სტუდენტი); ქ. ნიჟნეკამსკი (1979 წ. თათრეთოს ასსრ, 500 სტუდენტი); ქ. ნაბერეჟნიე-ჩელნი (1980 წ. თათრეთის ასსრ, 1204 სტუდენტი); ქ. გაგრა (1981 წ. ინტერ-ნაციონალური რაზმი, 300 სტუდენტი); ქ. სიკტივკარი (1982 წ. კომის ასსრ, 800 სტუდენტი); ქ. სიკტივკარი, ქ. ეჟვა (1983 წ. თათრეთის ასსრ, 500 სტუდენტი); ქ. ვორკუტა (1984 წ. კომის ასსრ, 500 სტუდენტი).
• საქართველოს ეკონომიკისა და მდგრადი განვითარების სამინისტროს სამშენებლო ტექნიკური რეგლამენტების განვითარების სტრატეგიის შემმუშავებელი სპეციალური კომისიის წევრი.
• სტუ-ს სამშენებლო ფაკულტეტის სადისერტაციო საბჭოს თავმჯდომარის მოადგილე.
• მისი ხელმძღვანელობითა და უშუალო მონაწილეობით ქართველ სტუდენტებთან ერთად დასაქმებული იყო ისეთი გიგანტი ობიექტების მშენებლობაში, რეკონსტრუქციასა და აღდგენაში, როგორიცაა: „კამაზის“ ქარხნების კომპლექსი, ძრავების კორპუსის მზიდი სამშენებლო კონსტრუქციების მონტაჟი, შიგა და გარე ქსელების (წყალი, კანალიზაცია, გაზი, ელექტრობაა) მოწყობა; ნიჟნეკამსკის საბურავების ქარხანა (კეთილმოწყობა), ნიჟნეკამსკის ქალაქგარეთა თბოქსელების დემონტაჟი და მონტაჟი; ელაბუგის სატრაქტორო ქარხანა; სატყეო-სამრეწველო კომპლექსი (ЛПК) ქ. სიკტივკარში (კეთილმოწყობა, წყლისა და კანალიზაციის ქსელების გაყვანა); ფეხბურთის სტადიონი ქ. ეჟვაში (დრენაჟი, ქსელები, მოედნის საფარი); 500 მ-იანი გზაგამტარი ხიდის შუა საყრდენის მონტაჟი სიმაღლით 100 მ ქ. ვორკუტაში; ქ. ნაბერეჟნიე ჩელნის ცენტრალურ ნაწილში საკანალიზაციო ქსელების მონტაჟი და სხვ.

საერთაშორისო, სახელმწიფო და რეგიონალურ პროგრამებში მონაწილეობა

• 1992 წლის რაჭა-ზემო იმერეთის მიწისძვრის შედეგების შემსწავლელი სამთავრობო კომისიის წევრი.
• 1995 წლის 15 ნოემბერს საქართველოს რესპუბლიკის განათლების სამინისტოს ადმინისტრაციულ შენობაში მომხდარი ხანძრის მიზეზების შემსწავლელი და ლიკვიდაციის სამთავრობო კომისიის წევრი.
• მონაწილეობა საერთაშორისო პროექტში: „Workforce Education Initiative for Shida Kartli“. USAID, (AID-G-2007-00104-00-45).
• მშენებლობის ექსპერტი. 2010-14 წლების განმავლობაში რესპუბლიკის სხვადასხვა სამშენებლო ობიექტებზე და პროექტებზე მომზადებული იქნა 18 ოფიციალური საექსპერტო დასკვნა.
• 2012 წელს ჩატარებული იქნა თბილისის ოპერისა და ბალეტის სახ. აკად. თეატრის გადახურვის ხის მზიდი კონსტრუქციების გამოკვლევა, ნიმუშების ლაბორატორიული გამოცდები და შედგა გაძლიერების პროექტი, რომელიც განხორციელდა იმავე წელს.
• 2015-2016 წელს მონაწილეობა მიიღო „ბატონის ციხის“ (მეფე ერეკლე II-ის ყოფილი სასახლე ქ. თელავში) რეაბილიტაციის პროექტში ექსპერტად.
• მისი ხელმძღვანელობითა და უშუალო მონაწილეობით ჩატარებული იქნა სტუ-ს VIII სასწ. კორპუსისა და საერთო საცხოვრებლის, თბილისის წისქვილკომბინატის და ქარხანა „ცენტროლიტის“; ქუთაისის ავტოქარხნის, ბამბეულის კომბინატის, მაუდის კომბინატის, აბრეშუმის საწარმოო გაერთიანების, რკინიგზის დასახლების საცხოვრებელი სახლების; ბათუმის სამკერვალო ფაბრიკის, ტყავფეხსაცმელების კომბინატის, სასტუმრო „მედეა“-ს; ტყიბულის ჩაის ფაბრიკის, ხონისა და კულაშის ძაფსაღები ფაბრიკების; რუსთავის აზოტისა და ცემენტის ქარხნების და სხვა ობიექტების პროექტირება, მზიდი სამშენებლო კონსტრუქციების გამოკვლევა-გაძლიერების სამუშაოები და შიგა და გარე ქსელების რეკონსტრუქცია-მონტაჟი.

ბიბლიოგრაფია

სახელმძღვანელოები

• თ. ხმელიძე, ა. სოხაძე. ხისა და პლასტმასის სამშენებლო კონსტრუქციები, გვ. 380, სტუ, თბ., 2005.
• თ. ხმელიძე. ხისა და პლასტმასის სამშენებლო კონსტრუქციები, გვ. 210, სტუ, USAID, თბ., 2008.
• თ. ხმელიძე. ხის კონსტრუქციები, გვ. 531, სტუ, თბ., 2015.

დამხმარე სახელმძღვანელოები

• ბ. სალუქვაძე, თ. ხმელიძე, ა. გუგუციძე, ე. გასპაროვა. ხისა და პლასტმასის სამშენებლო კონსტრუქციების დაპროექტების მაგალითები, გვ. 91, სტუ, თბ., 1991.
• თ. ხმელიძე. ხისა და პლასტმასის სამშენებლო კონსტრუქციები, გვ. 130, სტუ, თბ., 1994.
• თ. ხმელიძე, მ.მოდებაძე, ფ.ვერულაშვილი, გ.გურეშიძე, გ.ქავთარია. ხე-ლითონის უირიბნო სამკუთხა წამწის გაანგარიშება და კონსტრუირება, გვ. 71, სტუ, თბ., 2013.
• თ. ხმელიძე, ა. სოხაძე, ა. გუგუციძე, ლ. ფურცხვანიძე, გ. გუგუციძე. ხისა და პლასტმასის სამშენებლო კონსტრუქციების პრაქტიკუმი, გვ. 97, სტუ, თბ., 2005.

სასწავლო-მეთოდური ლიტერატურა

• თ. ხმელიძე, ხისა და სინთეზური მასალების კონსტრუქციები. მეთოდური მითითებები საკურსო პროექტის შესასრულებლად სსმ სპეციალობის სტუდენტებისათვის, გვ. 74, სპი, თბ., 1988.
• თ. ხმელიძე, გ. ბედუკაძე. მერქნის დრეკადობის მოდულის და განივი დეფორმაციის კოეფიციენტის განსაზღვრა. მეთოდური მითითებები ლაბორატორიული სამუშაოს ჩასატარებლად, გვ. 11, სპი, თბ., 1988.
• ო. კერესელიძე, თ. ხმელიძე, ლ. ბაქრაძე. კოჭის თავისუფალი რხევის მახასიათებლების დადგენა. მეთოდური მითითებები ლაბორატორიული სამუშაოს ჩასატარებლად, გვ. 6, სტუ, თბ., 1990.
• თ. გრიგალაშვილი, თ. ხმელიძე, ა. გუგუციძე. ბეტონის სიმტკიცის განსაზღვრა მექანიკური მეთოდით. მეთოდური მითითებები ლაბორატორიული სამუშაოების ჩასატარებლად, გვ. 9, სტუ, თბ., 1990.
• თ. გრიგალაშვილი, ო. კერესელიძე, თ. ხმელიძე. ბეტონის მექანიკური მახასიათებლების დადგენა ულტრაბგერითი იმპულსური მეთოდით. მეთოდური მითითებები ლაბორატორიული სამუშაოების ჩასატარებლად, გვ. 17, სტუ, თბ., 1990.
• თ. ხმელიძე, რ. იმედაძე, გ. მახარაძე. საინსტიტუტო მეთოდური მითითებები სადიპლომო პროექტის შესასრულებლად სსმ (2903) სპეციალობის სტუდენტებისათვის, გვ. 28, სტუ, თბ., 1991.
• თ. ხმელიძე, ა. გუგუციძე. მათემატიკა. ცნობარი აბიტურიენტებისათვის, გვ. 6, ფირმა „კონსტრუქცია“, თბ., 1992.
• თ. ხმელიძე, რ. იმედაძე, ი. ხმელიძე. ღეროვან სისტემებში ძალვების განსაზღვრის მაგალითები მაქსველ-კრემონას დიაგრამის გამოყენებით. მეთოდური მითითებები, გვ. 57, სტუ, თბ., 1992.
• თ. ხმელიძე, ფ. ვერულაშვილი და სხვ. ლაბორატორიული სამუშაოები ხისა და პლასტმასის კონსტრუქციებში, გვ. 43, სტუ, თბ., 2011.
• თ. ხმელიძე, მ. მოდებაძე, ფ. ვერულაშვილი, გ. გურეშიძე, ლ. ფურცხვანიძე. მერქნის სიმტკიცის მახასიათებლების დადგენა. ლაბ. სამუშაოები ხისა და პლასტმასის სამშენებლო კონსტრუქციებში, გვ. 34, სტუ, თბ., 2013.

ნორმატიული ლიტერატურა

• გ. აბაშიძე, თ. ხმელიძე, რ. მახვილაძე. რეკომენდაციები შენობებისა და ნაგებობების სახანძრო უსაფრთხოების შესახებ, გვ. 152, სტუ, თბ., 2011.

მონაწილეობა კონფერენციებში

• საერთაშორისო კონფერენციებში (კონგრესებში, სიმპოზიუმებში) მონაწილეობა – 5.
• ადგილობრივ კონფერენციებში მონაწილეობა – 6.

სამეცნიერო სტატიები

• უცხოეთის საერთაშორისო აღიარების ჟურნალებში – 6 სტატია.
• საქართველოს რეცენზირებად საერთაშორისო მნიშვნელობის მქონე ჟურნალებში – 48 სტატია.
• სხვა ჟურნალებში – 7 სტატია.

ლექსიკოგრაფია

• სამშენებლო განმარტებითი ლექსიკონი

პოეზია

• „იდუმალი იასამნები“ (2013)

რესურსები ინტერნეტში

• თამაზ ხმელიძე — საქართველოს ბიოგრაფიული ლექსიკონი