თამაზ ლობჟანიძე
თამაზ ლობჟანიძე (დ. 2 იანვარი, 1949, თბილისი) — ქართველი ექიმი და პროფესორი, მედიცინის მეცნიერებათა დოქტორი,[1] ეროვნული პრემიის ლაურეატი (2015), რუსეთის მედიკო-ტექნიკურ მეცნიერებათა აკადემიის აკადემიკოსი (2005-).
| თამაზ ლობჟანიძე | |
|---|---|
| დაბ. თარიღი | 2 იანვარი, 1949 (75 წლის) |
| დაბ. ადგილი | თბილისი, საქართველოს სსრ, სსრკ |
| მოქალაქეობა |
 სსრკ საქართველო |
| საქმიანობა | ექიმი |
| სამეცნიერო ხარისხი | მედიცინის მეცნიერებათა დოქტორი |
ბიოგრაფია
რედაქტირებადაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1972 წელს. 1972–1974 წლებში იყო გორის მოზრდილთა პოლიკლინიკის უბნის თერაპევტი; 1974–1975 წლებში, თბილისის ექიმთა დახელოვნების ინსტიტუტის კლინიკის ორდინატორი; 1975–1981 წლებში, ამავე ინსტიტუტის თერაპიის კათედრის უფროსი ლაბორანტი; 1981–1986 წლებში თერაპია–პულმონოლოგიის კათედრის ასისტენტი; 1986-2004 წლებში, სახელმწიფო სამედიცინო აკადემიის შინაგან სნეულებათა კათედრის დოცენტი; 2004-2006 წლებში სახელმწიფო სამედიცინო აკადემიის შინაგან სნეულებათა კათედრის პროფესორი; 2006 წლიდან, თბილისის სახელმწიფო სამედიცინო უნივერსიტეტის დიპლომისშემდგომი სამედიცინო განათლების და უწყვეტი პროფესიული განვითარების ინსტიტუტის შინაგან მედიცინაში პროფესიული რეაბილიტაციის პროგრამების ხელმძღვანელი.
1980 წელს დაიცვა საკანდიდატო დისერტაცია თემაზე — „Сравнительное экспериментально-клиникое изучение противоатеросклеротического действия трибуспонина и тривипирина“; 2003 წელს — სადოქტორო დისერტაცია თემაზე — „Клинические и морфологические основы диабетической пульмопатии“.
2005 წელს აირჩიეს რუსეთის მედიკო-ტექნიკურ მეცნიერებათა აკადემიის ნამდვილ წევრად. 2015 წელს მიენიჭა საქართველოს ეროვნული პრემია სამეცნიერო ნაშრომთა ციკლისთვის — „რესპირაციული მედიცინა XXI-ე საუკუნის დასაწყისში“.[2]
არის ჟურნალების „კარდიოლოგია და შინაგანი მედიცინა XXI“ (2006) და „საქართველოს რესპირაციული ჟურნალის“ (2007) სარედაქციო საბჭოს წევრი, აგრეთვე საქართველოს ინტერნისტთა ასოციაციისა და საქართველოს რესპირაციული ასოციაციის წევრი.
თამაზ ლობჟანიძე ავტორია 100-ზე მეტი სამეცნიერო ნაშრომისა, რომლებიც ძირითადად ეძღვნება პულმონოლოგიის, კარდიოლოგიის და დიაბეტოლოგიის საკითხებს, მათ შორის 2 მეთოდური რეკომედაცია, 4 წიგნი და 2 მონოგრაფია. მისი ხელმძღვანელობით დაცულია ორი სადისერტაციო ნაშრომი აკადემიური დოქტორის ხარისხის მოსაპოვებლად.
ბიბლიოგრაფია
რედაქტირება- მიხეილ მგალობლიშვილი; ცხოვრება და მოღვაწეობა (თანაავტორი). — თბილისი, 2020, გამომცემლობა "ნეკერი", — გვ,46, —ISBN 978-9941-479-52-6
- რესპირაციული მედიცინის რჩეული საკითხები: სახელმძღვანელო — თბილისი, 2019. — 720 გვ. — ISBN 9789941814136
- იდიოპათიური ინტერსტიციული პნევმონიები, საქართველოს რესპირაციული ჟურნალი // ტ. 13, N1. — თბილისი, 2017. — 4 — 44 გვ.
- მორფოლოგიური ცვლილებები რესპირაციულ სისტემაში ექსპერიმენტული ინსულინდამოკიდებული დიაბეტის დროს — თბილისი, 2004. — 75 გვ.
- ბინაზე მოვლის სახელმძღვანელო ასპექტები სამედიცინო და სოციალური უზრუნველყოფის სისტემებში (თანაავტორი). — თბილისი, ქველმოქმედი, 2004. — 20 გვ.
- სანამ ექიმი მოვა... (თანაავტორი). — თბილისი, ქველმოქმედი, 2001. — 72 გვ.
- ჯანმრთელი სიბერე (რედაქტორი). — თბილისი, 1999. 219 გვ.
ლიტერატურა
რედაქტირება- ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია, გვ. 170, თბ., 2000.
რესურსები ინტერნეტში
რედაქტირებასქოლიო
რედაქტირება- ↑ თამაზ ლობჟანიძე. med.ge. დაარქივებულია ორიგინალიდან — 2019-09-05. ციტირების თარიღი: 5 აგვისტო, 2019.
- ↑ პრემიერმა მედიცინაში შეტანილი წვლილისთვის 9 ექიმი დააჯილდოვა. ipress.ge (24 ნოემბერი, 2015). დაარქივებულია ორიგინალიდან — 2019-09-05. ციტირების თარიღი: 5 სექტემბერი, 2019.