სამურავი (პერსონაჟი)
სამურავი (ინგლ. Wolverine) — გამოგონილი პერსონაჟი Marvel Comics-ის სამყაროში. პირველად გამოჩნდა გასაოცარი ჰალკის 180-ე ნომერში (1974 წლის ოქტომბერი). შექმნილია მწერალი ლენ უეინისა და არტ-დირექტორი ჯონ რომიტა უფროსის მიერ, რომელსაც ეკუთვნის პერსონაჟის დიზაინი, გამოცემისათვის კი სამურავი პირველად ჰერბ ტრიმფემ დახატა. იქს-ადამიანების მწერალმა კრის კლერმონმა, ისევე, როგორც მწერალმა/ილუსტრატორმა ჯონ ბირნიმ, დიდი წვლილი შეიტანა პერსონაჟის დახვეწაში. ეს უკანასკნელი დაჟინებით მოითხოვდა, რომ სამურავი სხვა იქს-ადამიანებზე ასაკით უფროსი ყოფილიყო. ილუსტრატორმა ფრანკ მილერმა ითანამშრომლა კლერმონთან. მისი დახმარებით 1982 წლის სექტემბერ-დეკემბერში გამოიცა კომიქსის ოთხ-ნაწილიანი ლიმიტირებული სერიები (სახ. Wolverine), სადაც სამურავის ცნობილი ფრაზის, "I'm the best there is at what I do, but what I do isn't very nice," დებიუტი შედგა.
| სამურავი | |
|---|---|
 სამურავი, როგორცაა გამოსახული ახალი შურისმაძიებლების (New Avengers) მე-5 ნომრის გარეკანზე. 2005 წლის მარტი. დევიდ ფინჩის ნამუშევარი. | |
| გამოცემის ინფორმაცია | |
| გამომცემელი | Marvel Comics |
| პირველი გამოჩენა | Incredible Hulk #180 (1974 წლის ოქტომბერი) |
| ავტორ(ებ)ი | ლენ უეინი, ჯონ რომიტა უფროსი |
| დახასიათება | |
| ალტერ ეგო | ჯეიმზ ჰოულეტი |
| სახეობა | ადამიანი-მუტანტი |
| ფსევდონიმები | ლოგანი, X იარაღი, მეათე იარაღი, მუტანტი 9601 |
| მოკავშირეები |
იქს-ადამიანები ახალი შურისმაძიებლები იქს-ძალა S.H.I.E.L.D. შურისმაძიებლები აპოკალიფსის მხედრები Alpha Flight იქს-იარაღი Weapon Plus H განყოფილება HYDRA The Hand ახალი ფანტასტიკური ოთხეული |
| შესაძლებლობა |
სწრაფად განკურნების უნარი, ზეადამიანური ფიზიკური ძალა, მგრძნობელობა, სისწრაფე, მოქნილება, ბალანსი, რეფლექსები, კოორდინაცია, ამტანობა, მეტალ ადამანტიუმის ”ჩონჩხი” და ბრჭყალები დატანებული ორივე ხელზე |
ჯეიმზ ჰოულეტი, იგივე ლოგანი, არის მუტანტი, რომელიც ფლობს ცხოველის-მსგავს მგრძნობელობას, საოცარ ფიზიკურ შესაძლებლობებს, ძვლის ბრჭყალებსა და განკურნების უნარს, რაც საშუალებას აძლევს სწრაფად შეიხორცოს ნებისმიერი ჭრილობა, განიკურნოს დაავადებებისგან, ტოქსინებისგან. იქს-იარაღის შექმნის დროს, როდესაც მუტანტის სხეულში მეტალი ადამანტიუმი შეიყვანეს, სწორედ ამ უნარმა გადაარჩინა იგი სიკვდილს. თავდაპირველად, სამურავი ერთ-ერთი ანტი-გმირი, ავტორიტეტის არმქონე მუტანტი იყო, რომელიც გამოჩნდა ამერიკულ კულტურაში ვიეტნამის ომის შემდგომ. მოგვიანებით იგი შეუერთდა იქს-ადამიანებს კომიქსში გიგანტური ზომის იქს-ადამიანები #1 (1975 წლის მაისი) და მათთან ერთად განაგრძო ბრძოლა. ამჟამად ლოგანი გულშემატკივრების ერთ-ერთი უსაყვარლესი პერსონაჟია. სამურავი გამოჩნდა საკუთარ სოლო-კომიქსში 1988 წლიდან და ცენტრალური ფიგურა გახდა იქს-ადამიანების ისტორიების უმეტესობაში, ანიმაციებში, ვიდეო თამაშებსა და სრულმეტრაჟიან ფილმებში, სადაც მას ჰიუ ჯეკმენი ასახიერებს.
2008 წლის მაისში, გაზეთ Wizard-ის ყველა დროის 200 საუკეთესო კომიქსის პერსონაჟს შორის სამურავმა პირველი ადგილი დაიკავა, იმავე წლის ივლისში კი გაზეთ Empire-ის 50 უდიდეს კომიქსის პერსონაჟს შორის - მეოთხე.
რესურსები ინტერნეტში
რედაქტირება- სამურავი საიტზე Comic Book DB (არქივირებულია ორიგინალიდან)
- Wolverine — კინოფილმების ინტერნეტ მონაცემთა ბაზა (ინგლისური)
|
ეს სტატია Marvel Comics-ის პერსონაჟის შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში. |