ვლადიმერ დოლიძე

ვლადიმერ დოლიძე (დ. 28 მარტი, 1908, ოზურგეთი — გ. 19 თებერვალი, 1989) — ქართველი კინოოპერატორი, ხმის რეჟისორი, გამხმოვანებელი.

ვლადიმერ დოლიძე
დაიბადა	28 მარტი, 1908 ოზურგეთი
გარდაიცვალა	19 თებერვალი, 1989
ეროვნება	ქართველი
განათლება	საქართველოს ინდუსტრიული ინსტიტუტი
საქმიანობა	კინოოპერატორი, ხმის რეჟისორი, ამხმოვანებელი
მშობლიური ქალაქი	ოზურგეთი
ტიტული	კინემატოგრაფიის დამსახურებული მოღვაწე

ბიოგრაფია

1931 წელს დაამთავრა საქართველოს ინდუსტრიული ინსტიტუტი. 1932–1937 წლებში მუშაობდა ხმის ჩამწერი საამქროს უფროსად თბილისის კინოსტუდიაში. 1937 წლიდან მუშაობდა ხმის ოპერატორად. მონაწილეობა აქვს მიღებული 80-ზე მეტი სრულმეტრაჟიანი და მოკლემეტრაჟიანი მხატვრული, დოკუმენტური და ანიმაციური ფილმის შექმნაში. მინიჭებული აქვს კინემატოგრაფიის დამსახურებული მოღვაწის წოდება. არის მეორე მსოფლიო ომის მონაწილე და ვეტერანი. დაჯილდოებულია: „სახელმწიფო პრემიით“ (1950) — ფილმისთვის „ჯურღაის ფარი“; მედლით სახელოვანი შრომისათვის; „სამამულო ომის II ხარისხის ორდენით“; მედლით დიდ სამამულო ომში გამარჯვების XX წლისთავის აღსანიშნავად.

რესურსები ინტერნეტში

• ვლადიმერ დოლიძე ეროვნული ფილმოგრაფიის საიტზე დაარქივებული 2012-01-18 საიტზე Wayback Machine.