ვირჯილიო ფოსატი
ვირჯილიო ფოსატი (იტალ. Virgilio Fossati; დ. 12 სექტემბერი, 1889, მილანი — გ. 29 ივნისი, 1916, მონფალკონე) — იტალიელი ფეხბურთელი და მწვრთნელი.
 | |||
| პირადი მონაცემები | |||
|---|---|---|---|
| დაბადების თარიღი | 12 სექტემბერი, 1889 | ||
| დაბადების ადგილი |
 მილანი, იტალია | ||
| გარდაცვალების თარიღი | 29 ივნისი, 1916 (26 წლის) | ||
| გარდაცვალების ადგილი | მონფალკონე, იტალია | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 1909–1915 | ინტერი მილანი | 97 | (4) |
| ეროვნული ნაკრები | |||
| 1910–1915 |
იტალია | 12 | (1) |
| სამწვრთნელო კარიერა | |||
| 1909–1915 | ინტერი მილანი | ||
|
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება | |||
ფეხბურთის კარიერა დაიწყო მილანის „ინტერნაციონალეში“ კლუბის დაარსებიდან ერთი წლის თავზე, 1908 წელს. ფოსატი იყო ინტერის პირველი კაპიტანი და პირველი მწვრთნელი. გუნდში გატარებული 6 წლის მანძილზე თამაშობდა ნახევარმცველის პოზიციაზე. ამ პერიოდში გამართა 97 მატჩი და გაიტანა 4 გოლი. გუნდთან ერთად მოიგო 1909–10 წლების იტალიის ჩემპიონატი. ეს იყო ინტერის ისტორიაში პირველი ტიტული.
ფოსატი გამოდიოდა იტალიის ნაკრებშიც, სადაც მან 12 მატჩი გამართა და ერთი გოლი გაიტანა. ის იყო ინტერიდან პირველი მოთამაშე, ვინც ეროვნულ ნაკრებში იქნა მიწვეული.
ფოსატის ძმა — ჯუზეპეც ფეხბურთელი იყო და ინტერში თამაშობდა, სადაც 3 წლის მანძილზე 43 მატჩი გამართა ვირჯილიო ფოსატის საფეხბურთო კარიერას და შემდეგ სიცოცხლეს წერტილი დაუსვა პირველმა მსოფლიო ომმა. 1915 წელს ის წავიდა ფრონტზე, მას მიანიჭეს სამხედრო კაპიტნის წოდება. 1916 წელს დაიღუპა ავსტრია-უნგრეთის არმიასთან ბრძოლაში.
რესურსები ინტერნეტში
რედაქტირება- figc.it დაარქივებული 2016-01-12 საიტზე Wayback Machine.
- inter.it დაარქივებული 2013-05-27 საიტზე Wayback Machine.