ვირთაგვას კუნძულები
ვირთაგვას კუნძულები (ინგლ. Rat Islands) — კუნძულთა ჯგუფი ალეუტის კუნძულების დასავლეთ ნაწილში. ეკუთვნის აშშ-ის ალასკის შტატს. საერთო ფართობი 934,594 კმ². შედგება 7 დიდი და რამდენიმე პატარა კუნძულისაგან. დიდი კუნძულებიდან აღსანიშნავია: კისკა, სემისოპოჩნი, ამჩიტკა, პატარა სიტკინი, ბულდირი, ვირთაგვა, სეგულა. ყველა კუნძული დაუსახლებელია. კუნძულები მეტწილად მთიანია. სიმაღლე 1221 მ-მდე. არის მოქმედი ვულკანები. გეოლოგიური თვალსაზრისით მოქცეულია სეისმურად აქტიურ რეგიონში, წყნარი ოკეანისა და ჩრდილოეთ ამერიკის ტექტონიკური ფილაქნების საზღვარზე. 1965 წელს მოხდა უძლიერესი მიწისძვრა, რომლის მაგნიტუდამ 8,7 ბალი შეადგინა. კუნძულ ამჩიტკაზეა ზღვის წავის ნაკრძალი. ვირთაგვას კუნძულები აღმოაჩინეს რუსმა მრეწველებმა XVIII საუკუნეში. სახელი უწოდა თედორე ლიტკემ 1827 წელს. სახელწოდება მიიღო კუნძულებზე მობინადრე მღრღნელების სიმრავლის გამო.
 ვირთაგვას კუნძულები | |
| გეოგრაფია | |
|---|---|
| მდებარეობა | ბერინგის ზღვა |
| კოორდინატები | 51°47′17″ ჩ. გ. 178°18′10″ ა. გ. / 51.78806° ჩ. გ. 178.30278° ა. გ. |
| კუნძულთა რაოდენობა | 13 |
| მთავარი კუნძული | ამჩიტკა |
| ფართობი | 934,594 კმ² |
| უმაღლესი წერტილი | 1221 მ |
რესურსები ინტერნეტში
რედაქტირება- ვირთაგვას კუნძულები — სტატია დიდი საბჭოთა ენციკლოპედიიდან (რუსული)
- ვირთაგვას კუნძულები — სტატია ენციკლოპედია ბრიტანიკიდან (ინგლისური)