ვერხნი-მიტიაკინის იოანე ღვთისმეტყველის ეკლესია
ვერხნი-მიტიაკინის იოანე ღვთისმეტყველის ეკლესია (რუს. Церковь Иоанна Богослова) — მართლმადიდებლური ეკლესია ტარასოვის რაიონის ხუტორ ვერხნი-მიტიაკინში, როსტოვის ოლქი, რუსეთის ფედერაცია[1]. ამჟამად აღნიშნული ტერიტორია მიეკუთვნება რუსეთის მართლმადიდებელი ეკლესიის მოსკოვის საპატრიარქოს შახტინის ეპარქიას. აგებულია 2010 წელს.
ვერხნი-მიტიაკინის იოანე ღვთისმეტყველის ეკლესია | |
ძირითადი ინფორმაცია
| |
---|---|
რელიგიური კუთვნილება | რუსეთის მართლმადიდებელი ეკლესია |
ქვეყანა | რუსეთი |
პროვინცია | როსტოვის ოლქი |
ადგილმდებარეობა | ვერხნი-მიტიაკინი |
ფუნქციური სტატუსი | მოქმედი |
ხუროთმოძღვრების აღწერა
| |
ხუროთმოძღვარი(ები) | პეტრე სტუდენიკინი |
თარიღდება | 2010 |
დეტალები
| |
მასალა | ხე |
გარე სურათები | |
---|---|
ეკლესიის საერთო ხედი | |
ეკლესიაში შესასვლელი |
ისტორია რედაქტირება
ხუტორ ვერხნი-მიტიაკინში ეკლესია პირველად ააგეს 1886 წელს დონელი არქიტექტორის პეტრე სტუდენიკინის პროექტის მიხედვით[2]. ეკლესია ემსახურებოდა როგორც ვერხნი-მიტიაკინს ასევე ახლომდებარე ხუტორებსაც. ეკლესია იყო ხის და დახურული იყო ყავარით. ეს იყო ჩვეულებრივი ოთკუთხა ტრადიციული რუსული ნაგებობა, რომელსაც ჰქონდა ორფერდა სახურავი, საკურთხეველი და სატრაპეზო.
საბჭოთა ხელისუფლების დამყარების შემდეგ, 1930-იან წლებში, ეკლესია დახურეს, მასში კი განათავსეს კლუბი, მოგვიანებით სასადილო და საერთო საცხოვრებელი. ეკლესიაში ღვთისმსახურება აღსდგა მეორე მსოფლიო ომი დროს, მაგრამ 1960-იან წლებში ეკლესია განადგურდა. ღვთისმსახურება გაგრძელდა კიდვ რამდენიმე წელიწადი კარიბჭეში და სტოაში.
სსრკ-ის დაშლის შემდეგ, 1990-იან წლებში ეკლესია დაუბრუნდა მორწმუნეებს. რაიონისა და ხუტორის ადმინისტრაციის მხარდაჭერით, ასევა ადგილობრივი მეურნეობის „რუს“-ის და ადგილობრივი მოსახლეობის ფინანსებით, ჩაასხეს ეკლესიის საძირკველი, გამოცვალეს დამპალი დაფები და გადახურვა, დააყენეს ახალი გუმბათი. ეკლესია შელესეს და შეღებეს, განაახლეს ინტერიერიც[3].
ხელახლა გარემონტებული ეკლესია აკურთხეს 2010 წლის 22 ივნისს. კურთხევის ცერემონია შეასრულა როსტოვისა და ნოვოჩერკასკის მთავარეპისკოპოსმა პანტელეიმონმა[3].
2004 წლიდან ეკლესიის წინამძღვარია მღვდელმონაზონი სერგეი იავიცი[3].
რესურსები ინტერნეტში რედაქტირება
სქოლიო რედაქტირება
- ↑ Церковь Иоанна Богослова (Верхний Митякин)
- ↑ Студеникин Петр Семенович
- ↑ 3.0 3.1 3.2 Владыка Пантелеимон освятил храм в хуторе Верхний Митякин. დაარქივებულია ორიგინალიდან — 2017-03-25. ციტირების თარიღი: 2017-04-08.