ვარვარა ბუბნოვა

ვარვარა დიმიტრის ასული ბუბნოვა (რუს. Варва́ра Дми́триевна Бу́бнова) (დ. 17 მაისი, 1886, სანქტ-პეტერბურგი, — გ. 20 მარტი, 1983, იქვე; დაკრძალულია სოხუმში) — რუსი ფერმწერი, გრაფიკოსი. საქართველოს სსრ დამსახურებული მხატვარი (1966).

დაამთავრა პეტერბურგის სამხატვრო აკადემია (1914). 1911 –1913 წლებში იმოგზაურა დასავლეთ ევროპაში. 1922 წლიდან ცხოვრობდა იაპონიაში, 1923-1925 წლებში მეცადინეობდა ტოკიოს სამხატვრო-გამოყენებითი ხელოვნების სასწავლებელში. 1958 –1979 წლებში ცხოვრობდა და მოღვაწეობდა სოხუმში, შემდეგ, გარდაცვალებამდე — ლენინგრადში (ახლანდ. პეტერბურგში). მისი ნამუშევრები ინახება მოსკოვის, პეტერბურგის, არხანგელსკის, სოხუმის მუზეუმებსა და გალერეებში, ასევე კერძო კოლექციებში. სოხუმის გალერეის კოლექციის უდიდესი ნაწილი დაიწვა 2024 წლის ხანძრის დროს.

ლიტერატურა

ენციკლოპედია „საქართველო“, ტ. 1, თბ., 1997. — გვ. ?.
Гудиашвили Л. Выставка поразила меня. // «Советская Абхазия». 18 декабря 1960.
Варвара Дмитриевна Бубнова. 1886—1983. Русская художница в Японии. Каталог выставки. — М.: Государственный Музей Востока. 1989.
Бужинска Ирена. Бубнова Варвара Дмитриевна // Энциклопедия русского авангарда: Изобразительное искусство. Архитектура / Авторы-составители В. И. Ракитин, А. Д. Сарабьянов; Научный редактор А. Д. Сарабьянов. — М.: RA, Global Expert & Service Team, 2013. — Т. I: Биографии. А—К. — С. 87—89. — ISBN 978-5-902801-10-8.