ელენე კალანდაძე

ელენე კალანდაძე (დ. 11 აპრილი, 1952, ქუთაისი) — ქართველი ექიმი, მეცნიერი.

1977 წელს დაამთავრა პეტროზავოდსკის სახელმწიფო უნივერსიტეტის სამედიცინო ფაკულტეტი.

1978–1991 წლებში იყო მოსკოვის ოლქის ტომოლინოს პოლიკლინიკის მთავარი ექიმი. 1992 წლიდან თბილისის სახელმწიფო სამედიცინო უნივერსიტეტის ექსპერიმენტული და კლინიკური მედიცინის სამეცნიერო კვლევითი ინსტიტუტის უფროსი მეცნიერ–თანამშრომელი. ავტორია 15 სამეცნიერო ნაშრომის, რომლებიც ეხება ვირუსოლოგიას, ეპიდემიოლოგიას, იერსინიოზის მკურნალობას.

საკანდიდატო დისერტაციის თემა: „Псевдотуберкулез и иерсиниоз в крупном птицеводческом комплексе.“

ლიტერატურა

• ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია თბ., 2000 გვ. 135

რესურსები ინტერნეტში

• ელენე კალანდაძე — საქართველოს ბიოგრაფიული ლექსიკონი