ევგენი IV

ევგენიუს IV (ლათ. Eugenius PP. IV; ერისკაცობაში გაბრიელე კონდულმერი; დ. 1383 — გ. 23 თებერვალი, 1447) — რომის პაპი 1431 –1447 წლებში.

გაბრიელე კონდულმერი დაიბადა 1383 წელს ვენეციაში. იყო პაპა გრიგოლ XII-ის ძმისწული, რომელსაც უარი ათქმევინეს კონსტანცის საეკლესიო კრებაზე. ბაზელის საეკლესიო კრების საწინააღმდეგოდ მოიწვია ფლორენციის საეკლესიო კრება (1438-1445), სხვადასხვაგვარი დათმობების საშუალებით მიიმხრო ესპანეთი, საფრანგეთი და სხვა სახელმწიფოები, ამით მიაღწია პაპ ფელიქს V-is (შემდგომში ანტიპაპი) იზოლაციას. ევგენი IV-მ შეძლო 1439 წელს დაედო ფლორენციის უნია დასავლეთის კათოლიკურ და აღმოსავლეთის მართლმადიდებელ ეკლესიებს შორის პაპის უზენაესობის საფუძველზე, თუმცა შემდგომ ეს უნია უარყვეს რუსეთმა და ბიზანტიამ.

ლიტერატურა

ქართული საბჭოთა ენციკლოპედია, ტ. 4, თბ., 1979. — გვ. 30.

წინამორბედი: მარტინ V	რომის პაპი 1404 — 1406	შემდეგი: ნიკოლოზ V