ეგმა
ეგმა (თურქ. Peynirlikönü Düdeni) — თურქეთის ყველაზე ღრმა მღვიმე. მდებარეობს ტაშელის პლატოზე, ანატოლიის სამხრეთ ნაწილში, ქალაქ ანამურიდან სამხრეთ-დასავლეთით 17 კმ-ში[1]. 2010 წლის 15 მარტის მონაცემებით იგი მსოფლიოში მეთხუთმეტე ადგილზეა სიღრმის მიხედვით[2]. მისი სიღრმეა 1 429 მეტრი[3], ხოლო სიგრძე 3118 მეტრი[2]. სახელწოდება ეგმა არის მისი აღმომჩენების ევრენ გიუნაისა და მეჰმედ ალი ოზელის ინიციალების ერთობლიობა.
| ეგმა | |
|---|---|
| კოორდინატები: 36°18′54″ ჩ. გ. 32°46′44″ ა. გ. / 36.31500° ჩ. გ. 32.77889° ა. გ. | |
| ქვეყანა |  თურქეთი
|
| ტერიტორიული ერთეული | მერსინის პროვინცია |
| აბსოლუტური სიმაღლე | 1900 მ |
| სიგრძე | 3118 მ |
| სიღრმე | 1429 მ |
| აღმოჩენის წელი | 1993 |
| სირთულის კატეგორია | 1 |
| ამგებელი ქანები | კირქვა |
  | |
ამ კარსტული ძაბრის შესახებ ცნობილი გახდა 1988 წელს. გამოკვლევები დაიწყო სტამბოლის ბოგაზიჩის უნივერსიტეტის სპელეოლოგიურმა განყოფილებამ. ამ გამოკვლევების შედეგად გამოვლინდა 11 მღვიმე, რომელთაგან 2 ყველაზე ღრმაა თურქეთში. 2001 წელს დიდი ღვარცოფის შედეგად მღვიმეში 1280 მეტრზე ჩასული მეჰმედ ალი ოზელი დაიღუპა[1]. მღვიმის ყველაზე ღრმა წერტილი 2004 წელს აღმოაჩინეს ბულგარეთის სპელეოლოგთა ფედერაციის დახმარებით.
იხილეთ აგრეთვე
რედაქტირებასქოლიო
რედაქტირება- ↑ 1.0 1.1 Balkan news 2008. დაარქივებულია ორიგინალიდან — 2004-10-27. ციტირების თარიღი: 2004-10-27.
- ↑ 2.0 2.1 Bob Gulden. დაარქივებულია ორიგინალიდან — 2017-10-28. ციტირების თარიღი: 2015-05-15.
- ↑ Сайт BÜMAK. დაარქივებულია ორიგინალიდან — 2008-01-29. ციტირების თარიღი: 2015-05-15.