დუშეთის წმინდა ნიკოლოზის ეკლესია
დუშეთის წმინდა ნიკოლოზის ეკლესია — გუმბათოვანი საკათედრო ტაძარი ქალაქ დუშეთში.
ისტორია
რედაქტირება1859 წლის 17 სექტემბერს, მართლმადიდებელი მოსახლეობის მოთხოვნის საფუძველზე, არქიტექტორ გრიგორი ივანოვის პროექტის მიხედვით დაწყებულა წმინდა ნიკოლოზ საკვირველმოქმედის ეკლესიის მშენებლობა. ეკლესია ააგეს საჯირითო მოედნის შუაგულში, მოგვიანებით მის გარშემო საქალაქო ბაღი გაშენდა, რომელიც „ბულვარის“ სახელით გახდა ცნობილი.
1934 წელს საბჭოთა პერიოდში ბოლშევიკებმა პირველი ეკლესია დაანგრიეს.
დუშეთის მხარეთმცოდნეობის მუზეუმში დაცულია 1989 წელს გადაღებული ნაეკლესიარის საძირკველის მოძიებისა და გათხრების ფოტოები.
2004 წელს, ღვთისმშობლის სახელზე ნაკურთხი სამრეკლოს გვერდით აშენდა წმინდა ნიკოლოზის სახელობის ახალი ეკლესია, რომელიც თავიდან ჩაფიქრებული იყო, როგორც ღვთისმშობლის ეკლესია. წმინდა ნიკოლოზის ეკლესია იმეორებს ფუძნარის ეკლესიის არქიტექტურას.