დონის ნახიჩევანის წმინდა გიორგის ეკლესია
დონის ნახიჩევანის წმინდა გიორგის ეკლესია (რუს. Церковь Св. Георгия; სომხ. Սուրբ Գևորգ եկեղեցի) — ყოფილი ეკლესია დონის ნახიჩევანის ტერიტორიაზე. მიეკუთვნებოდა სომხეთის სამოციქულო ეკლესიას.
| დონის ნახიჩევანის წმინდა გიორგის ეკლესია | |
| |
  | |
ძირითადი ინფორმაცია
| |
|---|---|
| გეოგრაფიული კოორდინატები | 47°17′23″ ჩ. გ. 39°43′57″ ა. გ. / 47.28972° ჩ. გ. 39.73250° ა. გ. |
| რელიგიური კუთვნილება | სომხეთის სამოციქულო ეკლესია |
| ქვეყანა |  რუსეთი
|
| ადგილმდებარეობა | დონის როსტოვი |
| სასულიერო სტატუსი | დანგრეული |
ხუროთმოძღვრების აღწერა
| |
| თარიღდება | 1783-1787 |
ისტორია რედაქტირება
წმინდა გიორგის ეკლესიის მშენებლობის დაწყება თითქმის დაემთხვა წმინდა თეოდორეს ეკლესიის მშენებლობას და მიმდინარეობდა 1783-1787 წლებში. წმინდა გიორგის ხის ეკლესიის მშენებლობა დაიწყეს 1783 წელს ქალაქის დასავლეთ ნაწილში, ორი მოსაზღვრე ქალაქის როსტოვისა და ნახიჩევანის საზღვარზე. ეკლესიის მშენებლობის დასრულების შემდეგ 1787 წლის 5 დეკემბერს ეკლესია აკურთხა იოსებ არღუთინსკიმ.
თავდაპირველად ქალაქში იყო ხის ეკლესია. ქვის ერთგუმბათიანი სამრეკლოიანი ეკლესია ააგეს XIX საუკუნეში და ამავე საუკუნეში მოახდინეს მისი ორგზის რესტავრაცია. 1852-1853 წლებში მისი რესტავრაცია მიმდინარეობდა დონის ნახიჩევანელი, მეორე გილდიის ვაჭრის მ. ერეცფოხანიანის დაფინანსებით. მეორედ რესტავრაცია ჩაუტარდა 1892 წელს.
თავდაპირველად სამრევლო სკოლა ეკლესიასთან არ იყო. იგი მხოლოდ 1918 წელს გადმოიტანეს ნოვოჩერკასკიდან.
ქვის ეკლესიის ინტერიერში ბევრი ქვის ხაჩქარი იყო. ეკლესიაში ყირიმიდან გადმოიტანეს ხელნაწერი წიგნები და საწინამძღვრო ჯვარი.
XIX-XX საუკუნეების მიჯნაზე წმინდა გიორგის სახელობის ეკლესიასთან ფუნქციონირებდა ქორო რომანოს მელიქიანის ხელმძღვანელობით.
1930-იან წლებში ეკლესია დახურეს და მალევე თითქმის მთლიანად დაშალეს. წმინდა გიორგის ეკლესიის ნაშთები საბოლოოდ გაანადგურეს ჯერ კიდევ მეორე მსოფლიო ომის დაწყებამდე.
ლიტერატურა რედაქტირება
- Вартанян В. Г., Казаров С.С. Армянская-Апостольская Церковь на Дону // Ростов н/Д., 2001.
- Малаховский Е. И., Лаптев Г.Ф. Храмы и культовые сооружения Ростова-на-Дону, утраченные и существующие // Ростов-на-Дону, АКРА, 2003.
- Шахазиз Е. Новый Нахичеван и новонахичеванцы. Перевод с армянского Ш. М. Шагиняна // Ростов-на-Дону, 1999.
- Сидоров В. Энциклопедия старого Ростова и Нахичевани-на-Дону. Ростов-на-Дону, 1996, т. 4.
- Халпахчьян О. X. Архитектура Нахичевани-на-Дону // Ер., 1988.
რესურსები ინტერნეტში რედაქტირება
- Церковь Сурб Геворк (Нахичевань-на-Дону)
- Нахичеванские храмы დაარქივებული 2017-04-20 საიტზე Wayback Machine. . Донской временник.