დავით გურგენიძე (ჰიდროტექნიკოსი)
დავით გურგენიძე (დ. 16 ოქტომბერი, 1963) — ქართველი ჰიდროტექნიკოსი. საქართველოს ტექნიკური უნივერსიტეტის პროფესორი (2013), საქართველოს მეცნიერებათა აკადემიის აკადემიკოსი (2023). საქართველოს ტექნიკური უნივერსიტეტის რექტორი.[1][2]
| დავით გურგენიძე | |
|---|---|
 | |
| დაბ. თარიღი | 16 ოქტომბერი, 1963 |
| დაბ. ადგილი | თბილისი, საქართველო |
| მოქალაქეობა | საქართველო |
| საქმიანობა |
|
| ალმა-მატერი | საქართველოს პოლიტექნიკური უნივერსიტეტი |
| სამეცნიერო წოდება |
|
| ჯილდოები |
|
განათლება
რედაქტირება1981–1983 წლებში დავით გურგენიძე სწავლობდა მოსკოვის ვ. ვ. კუიბიშევის სახელობის საინჟინრო სამშენებლო ინსტიტუტში. 1983–1987 წლებში სწავლა განაგრძო საქართველოს პოლიტექნიკური ინსტიტუტის (ახლანდელი სტუ), ჰიდროტექნიკისა და სანტექნიკის ფაკულტეტზე, რომლის დასრულების შემდეგ მიენიჭა ინჟინერ ჰიდროტექნიკოსის კვალიფიკაცია. 1999–2001 წლებში დავით გურგენიძე სწავლობდა საქართველოს ტექნიკური უნივერსიტეტის სამართლის ფაკულტეტზე, რის შემდეგაც მიენიჭა სამოქალაქო სამართლის მაგისტრის ხარისხი.
სამეცნიერო წოდება
რედაქტირება2023 წელს დავით გურგენიძე აირჩიეს საქართველოს მეცნიერებათა ეროვნული აკადემიის ნამდვილ წევრად, აკადემიკოსად.[3] 2021 წელს — საქართველოს იურიდიული აკადემიის ნამდვილ წევრად, 2019 წელს — საქართველოს საინჟინრო აკადემიის ნამდვილ წევრად, 2006 წელს — საქართველოს ენერგეტიკის აკადემიის ნამდვილ წევრად.
საერთაშორისო აღიარება
რედაქტირება2024 წელს ლიუბლინის სიცოცხლის შემსწავლელ მეცნიერებათა უნივერსიტეტის საპატიო დოქტორი გახდა (პოლონეთის რესპუბლიკა); 2024 წელს დავით გურგენიძეს მიენიჭა აზერბაიჯანის არქიტექტურისა და მშენებლობის უნივერსიტეტის (ბაქო) საპატიო დოქტორის წოდება.[4] 2021 წელს დავით გურგენიძეს მიენიჭა უკრაინის ეროვნულ საავიაციო უნივერსიტეტის და სომხეთის არქიტექტურისა და მშენებლობის ნაციონალური უნივერსიტეტის საპატიო დოქტორის წოდება. 2020 წლიდან ბელოსტოკის (პოლონეთი) ტექნიკური უნივერსიტეტის საპატიო დოქტორია.[5] 2019 წლიდან აკადემიკოსი დავით გურგენიძე ი. ეგიაზაროვის სახელობის წყლის პრობლემებისა და ჰიდროტექნიკის ინსტიტუტის (სომხეთი) საპატიო დოქტორია.
ჯილდოები
რედაქტირება2023 წლის 11 ოქტომბერს დავით გურგენიძე დაჯილდოვდა საქართველოს ტექნიკური უნივერსიტეტის გიორგი ნიკოლაძის მედლით. 2023 წლის 27 სექტემბერს საქართველოს კულტურის ფონდის პრეზიდიუმმა, მეცნიერებისა და ეროვნული კულტურის განვითარების საქმეში გაწეული ღვაწლისთვის, მიანიჭა ექვთიმე თაყაიშვილის სახელობის პრემიის ლაურიატის საპატიო წოდება და დაჯილდოვა ბრინჯაოს მედლით. 2023 წელს დავით გურგენიძეს, საქართველოში იტალიური ენისა და კულტურის გავრცელებაში შეტანილი პირადი წვლილისთვის, დანტე ალიგიერის საზოგადოების რომის სათავო ოფისში გადაეცა საზოგადოების უმაღლესი ჯილდო — დანტე ალიგიერის ოქროს მედალი და დიპლომი. (იტალია).[6] 2022 წლის 14 თებერვალს ლიეტუვის რესპუბლიკის კონსტიტუციის 84(22) მუხლის, სახელმწიფო ჯილდოების შესახებ კანონის მე-4(1) მუხლისა და პრეზიდენტ გიტანას ნაუსედას Nr 1K–863 განკარგულებით დავით გურგენიძე დაჯილდოვდა ლიეტუვის რესპუბლიკის სახელმწიფო ორდენით „დამსახურება ლიეტუვისთვის“ — რაინდის ჯვრით.[7] 2019 წელს დავით გურგენიძეს მიენიჭა საქართველოს დამსახურებული მშენებლის წოდება. 2007 წლის 24 მაისს „ჟურნალისტთა საერთაშორისო ფონდმა“ დავით გურგენიძეს გადასცა ჯილდო „ოქროს ფრთა“, ნომინაციაში განსაკუთრებული საქველმოქმედო საქმიანობისა და კაცთმოყვარეობისათვის. 1999 წელს დავით გურგენიძე სტუდენტი-ახალგაზრდობის აღზრდაში შეტანილი პირადი წვლილისთვის დაჯილდოვდა ღირსების ორდენით, საქართველოს პრეზიდენტის 1999 წლის 21 დეკემბრის N1518 განკარგულებით.
პროფესიული გამოცდილება
რედაქტირებააკადემიკოს დავით გურგენიძის პროფესიული გამოცდილება მოიცავს როგორც საქართველოს, ისე საზღვარგარეთ დადგმული სიმძლავრეების (ჰიდროენერგეტიკული, ჰიდრომელიორაციული, ჰიდროკვანძებისა და თბოელექტროსადგურების) საექსპლუატაციო ანალიზსა და მონიტორინგს, აგრეთვე სხვადასხვა ენერგეტიკული, სამოქალაქო და სამრეწველო ობიექტის მშენებლობა-რეკონსტრუქციაში მონაწილეობას.
2024 წელს CERN-ის CMS ექსპერიმენტის ასოცირებული წევრად აირჩიეს, 2023 წელს დავით გურგენიძე გახდა საქართველოს რექტორთა მუდმივმოქმედი კონფერენციის თავმჯდომარე[8] და საქართველოს მეცნიერებათა ეროვნული აკადემიის პრეზიდიუმის წევრი. ამავე წლიდან გახდა სრულიად საქართველოს კათოლიკოს-პატრიარქის ფონდის მმართველი საბჭოს წევრი. 2022 წელს, საქართველოს მეცნიერებათა ეროვნული აკადემიის პრეზიდენტის N 02/30 ბრძანებით, საქართველოს მეცნიერებათა ეროვნული აკადემიის პრეზიდიუმის ასოცირებული წევრია. 2021-2022 წლებში საქართველოს პრეზიდენტის N 01/0101 განკარგულებით, საქართველოს ეროვნული პრემიის კომისიის წევრია, 2022 წლიდან კი — საქართველოს ტექნიკური უნივერსიტეტის საინჟინრო, ტექნოლოგიური და საბუნებისმეტყველო, საუნივერისტეტო სადისერტაციო საბჭოს თავმჯდომარე. 2020 წლიდან საქართველოს ტექნიკური უნივერსიტეტის სარედაქციო-საგამომცემლო საბჭოს თავმჯდომარეა. ამავე წლიდან აშშ-ის სან-დიეგოს სახელმწიფო უნივერსიტეტის მრჩეველთა საბჭოს წევრია. 2020 წელს აირჩიეს საქართველოს ტექნიკური უნივერსიტეტის რექტორად[9][10]. 2017–2020 წლებში სტუ-ის სამშენებლო ფაკულტეტის დეკანია.[11] 2017 წელს დაინიშნა საქართველოს პარლამენტის რეგიონალური პოლიტიკისა და თვითმმართველობის კომიტეტსა და საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტთან არსებული სამეცნიერო-საკონსულტაციო საბჭოს წევრად. 2017–2018 წლებში ხელმძღვანელობდა სტუ-ის სადოქტორო-საგანმანათლებლო პროგრამა „ჰიდროიჟინერიას“. 2015–2017 წლებში კი — სტუ-ის სამშენებლო ფაკულტეტის დეკანის მოვალეობის შემსრულებელი. 2013–2015 წლებში სტუს-ის სასწავლო პროცესის მონიტორინგის დეპარტამენტის უფროსია. 2013 წლიდან სტუ-ის სამშენებლო ფაკულტეტის ჰიდროტექნიკისა და სამოქალაქო ინჟინერიის დეპარტამენტის პროფესორია. 2012–2013 წლებში დავით გურგენიძე გახდა სტუ-ის სამშენებლო ფაკულტეტის წყალმომარაგების, წყალარინების, თბოაირმომარაგებისა და შენობათა საინჟინრო აღჭურვის დეპარტამენტის მოწვეული სპეციალისტი, ხოლო 2006–2007 წლებში სტუ-ის ენერგეტიკისა და ტელეკომუნიკაციის ფაკულტეტის, თბოტექნიკისა და ჰიდროენერგეტიკის დეპარტამენტის მოწვეული სპეციალისტი იყო. 2005–2011 წლებში საქართველოს საინჟინრო აკადემიის მრჩეველად მოღვაწეობს. 2002–2005 წლებში იყო სტუ-ის წყალმომარაგებისა და კანალიზაციის კათედრის მეცნიერი თანამშრომელი. 2001–2004 წლებში საქართველოს სათბობ-ენერგეტიკის მინისტრის მოადგილედ მუშაობდა. 2001–2003 წლებში კი იყო სტუ-ის ჰიდროსაინჟინრო ფაკულტეტის სახელმწიფო საგამოცდო კომისიის თავმჯდომარე. 1998–2001 წლებში კი — სტუ-ის წარმოებისა და ბიზნესის ხელმშემწყობი „TEMPUS TACIS“ საერთაშორისო ცენტრის ხელმძღვანელი. 1997–2001 წლებში თბილისის სს „მერკური −92“ გენერალური დირექტორია. 1997–1998 წლებში მუშაობდა სტუ-ის წყალმომარაგებისა და კანალიზაციის კათედრის გამგის მოადგილედ. 1994–1996 წლებში იყო მოსკოვის თეორიული და ექსპერიმენტული ფიზიკის ინსტიტუტის მეცნიერი თანამშრომელი (სახელშეკრულებო თემა). იმავე წლებში მოსკოვის სს „ზოდიაქო“ და „კ“ კონცერნის თავმჯდომარეა. 1992–1994 წლებში — სს „ზოდიაქოს“ პრეზიდენტი (მოსკოვი). 1993–1997 ltd D.I.V.A გამგეობის თავმჯდომარე (ქ.ვენა, ავსტრია). 1990–1993 წლებში სამეცნიერო-საწარმოო გაერთიანება "კომპლექსის " გენერალური დირექტორიის მოადგილეა (თბილისი). 1986–1989 წლებში სპი-ის ჰიდროტექნიკისა და სანტექნიკის ფაკულტეტის კომკავშირის კომიტეტის მდივანია, სპი-ის კომკავშირის კომიტეტის მდივნის მოადგილე, თბილისის საქალაქო კომიტეტის მეცნიერებისა და ტექნიკის განყოფილების გამგე. 1983–1987 წლებში ენგურჰესის მშენებლობაზეა, სადაც სამშენებლო რაზმების მეთაურია. 1980–1981 წლებში მუშაობდა საქართველოს სოფლის მშენებლობის სამინისტროს #9 ტრესტში ზეინკალად. 1980 წელს კი — მცხეთის სამრეწველო კომბინატში მუშის პოზიციაზე,
დავით გურგენიძე 107-ზე მეტი სამეცნიერო ნაშრომის[12], მათ შორის 2 გამოგონების, 10 მონოგრაფიის, 7 სახელმძღვანელოს, 8 დამხმარე სახელმძღვანელოსა და 1 ენციკლოპედიური ლექსიკონის (V ტომი) ავტორია. კოორდინაციას უწევდა და ამჟამადაც უწევს არაერთ საერთაშორისო საგრანტო პროექტს.
დავით გურგენიძის ხელმძღვანელობით დაცულია 10 სადოქტორო დისერტაცია.
სქოლიო
რედაქტირება- ↑ სტუ-ის ახალი რექტორი პროფესორი დავით გურგენიძე უფლებამოსილების აღსრულებას უახლოეს დღეებში დაიწყებს.
- ↑ რექტორები.
- ↑ აკადემიკოსები.
- ↑ საქართველოს ტექნიკური უნივერსიტეტის რექტორს, აკადემიკოს დავით გურგენიძეს აზერბაიჯანის არქიტექტურისა და მშენებლობის უნივერსიტეტის საპატიო დოქტორის წოდება მიენიჭა (26.01.2024).
- ↑ საქართველოს ტექნიკური უნივერსიტეტის რექტორს ბელოსტოკის ტექნოლოგიური უნივერსიტეტის საპატიო პროფესორის წოდება მიენიჭა.
- ↑ სტუ-ის რექტორი, აკადემიკოსი დავით გურგენიძე დანტე ალიგიერის საზოგადოების ოქროს მედლით და დიპლომით დააჯილდოვეს..
- ↑ საქართველოს ტექნიკური უნივერსიტეტის რექტორი დავით გურგენიძე ლიეტუვას პრეზიდენტმა გიტანას ნაუსედამ სახელმწიფო ორდენით დააჯილდოვა.
- ↑ საქართველოს რექტორთა მუდმივმოქმედ კონფერენციას ახალი თავმჯდომარე ჰყავს. დაარქივებულია ორიგინალიდან — 2023-08-10.
- ↑ სტუ-ის ახალი რექტორი პროფესორი დავით გურგენიძე უფლებამოსილების აღსრულებას უახლოეს დღეებში დაიწყებს.
- ↑ საქართველოს ტექნიკური უნივერსიტეტის რექტორი დავით გურგენიძე სტუდენტური პარლამენტის წარმომადგენლებს შეხვდა.
- ↑ სტუ - საქართველოში დიდი ბრიტანეთის „სამოქალაქო ინჟინერთა ინსტიტუტის“ ოფიციალური წარმომადგენლობა გაიხსნება.
- ↑ Google Scholar - David Gurgenidze.