გიკი
გიკი (ინგლ. geek) — ადამიანი, რომელიც განსაკუთრებით გატაცებულია რამით; ფანატი. თავდაპირველად გიკებად მოიხსენიებდნენ თანამედროვე ტექნოლოგიებით,[1] კონკრეტულად კი კომპიუტერებით და გაჯეტებით დაინტერესებულ ადამიანებს. 2000-იან წლებში სიტყვამ სხვა მნიშვნელობა მიიღო და ის უკვე აღნიშნავდა ადამიანთა ჯგუფს, რომელებიც გატაცებული იყვნენ მასობრივი კულტურით და წარმოადგენდნენ გარკვეული სუბკულტურის ან საზოგადოების (ფანდომის) წევრებს.
არსებობს სიტყვა გიკის მსგავსი მნიშვნელობის მქონე სიტყვა „ნერდი“ (nerd) — ჩაკეტილი ინტელექტუალი, გატაცებული რაღაც სპეციფიკური და სხვებისთვის გაუგებარი საქმიანობით.