გარბანის აკლდამები

გარბანის აკლდამები — არქეოლოგიური ძეგლი, საკულტო ნაგებობა. მდებარეობს გარბანის წმინდა გიორგის ეკლესიის ეზოში. თარიღდება განვითარებული შუა საუკუნეებით.

1972 წელს გათხარა ჟინვალის არქოლოგიური ექსპედიციის ხევის რაზმმა (ხელმძღვანელი გიორგი ღამბაშიძე). აკლდამები გეგმით წაგრძელებული ოთხკუთხედია. ნაგებია მოზრდილი ნატეხი ქვით. წყობა მშრალია. გადახურულია ფიქლით. ოთხკუთხა ჩასასვლელი სახურავიდანაა. მიცვალებულის ძვლები არეულია. აკლდამები უინვენტაროა.

ლიტერატურა

• რუსიშვილი თ., საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 442.