ბუჩაჩის ხელშეკრულება
ბუჩაჩის ხელშეკრულება — სამშვიდობო ხელშეკრულება რეჩ-პოსპოლიტასა და ოსმალეთის იმპერიას შორის. ხელი მოაწერეს 1672 წლის 18 ოქტომბერს, თანამედროვე უკრაინის დასავლეთში მდებარე ქალაქ ბუჩაჩში.
ხელშეკრულების თანახმად
- პოდოლია თურქების კონტროლს დაექვემდებარა.
- პოლონეთს ყოველწლიურად უნდა გადაეხადა 22 000 ტალერი ხარკი.
- ვრაცლავისა და კიევის სავოევოდოები გადაეცა კაზაკთა საჰეტმანოს.
საომარი მოქმედებები განახლდა 1673 წლის გაზაფხულზე, ისე, რომ სეიმმა ვერ მოასწრო ხელშეკრულების რატიფიცირება. 1676 წელს მათ შორის დაიდო ჟურავნოს ხელშეკრულება.