ბიუკი (უნგრ. Bükk) — მთის მასივი დასავლეთ კარპატებში, ჩრდილოეთ უნგრეთში. სიმაღლე 960 მ (მთა კეტოშ-ბერცი).[1] ჩრდილოეთ-დასავლეთი ნაწილი უმეტესწილად აგებულია კირქვებით, ხოლო სამხრეთ-აღმოსავლეთი მონაკვეთი დაყოფილია ნასხლეტებად, რომელზედაც პლიოცენში ანდეზიტური ლავების ამონთხევა მიმდინარეობდა. ფართოდ არის განვითარებული რელიეფის კარსტული ფორმები. ბიუკი ინტენსიურად არის დანაწევრებული მდინარეების შაიოსა და ტისის შენაკადების ხეობებით. კალთების ქვედა ნაწილში ბაღები და ვენახებია, უფრო მაღლა — მუხის და წიფლის ტყეები.[2]

ბიუკი
ბიუკი
ბიუკი
კოორდინატები: 48°02′ ჩ. გ. 20°30′ ა. გ. / 48.033° ჩ. გ. 20.500° ა. გ. / 48.033; 20.500
ქვეყანა უნგრეთის დროშა უნგრეთი
უმაღლესი წერტილი კეტოშ-ბერცი
სიმაღლე 960,7 
ამგებელი ქანები კირქვა
ბიუკი — უნგრეთი
ბიუკი

სქოლიო რედაქტირება

  1. Új csúcsa van a Bükknek
  2. Краткая географическая энциклопедия. Том 1. М., 1960.