ბაშკირეთის სახელმწიფო უნივერსიტეტი

ბაშკირეთის სახელმწიფო უნივერსიტეტი
	ბაშკ. Башҡорт дәүләт университеты
დაფუძნდა	1909
ატარებს სახელს	Kliment Timiryazev
ტიპი	სახელმწიფო
რექტორი	ნიკოლაი მოროზკინი
სტუდენტი	33 724
მისამართი	ბაშკირეთი, უფა, ზაკი ვალიდის ქ. 32
ქალაქი	უფა
პროვინცია	ბაშკირეთი,
ქვეყანა	რუსეთი, ფილიალები: სტერლითამაქი, ნეფტეკამსკი, ბირსკი, სიბაი
	www.bashedu.ru

ბაშკირეთის სახელმწიფო უნივერსიტეტი (რუს. Башкирский государственный университет; ბაშკ. Башҡорт дәүләт университеты) — კლასიკური უნივერსიტეტი. მდებარეობს უფაში, ბაშკირეთი, რუსეთი. ბაშკირეთის პირველი უმაღლესი სასწავლებელი, რუსეთის კლასიკური უნივერსიტეტების ასოციაციის ერთ-ერთი დამფუძნებელი^[1]. რუსეთის კლასიკური უნივერსიტეტების რეიტინგში 2016 წლისათვის უკავია 75-ე ადგილი^[2].

ისტორია

ბაშკირეთის სახელმწიფო უნივერსიტეტი დაარსდა 1909 წლის 2 ივლისს რუსეთის სახალხო განათლების მინისტრის ა. შვარცის გადაწყვეტილების შემდეგ. ოფიციალურად 1909 წლის 4 ოქტომბერს გაიხსნა უფის სამასწავლებლო ინსტიტუტი. აღნიშნული თარიღი ითვლება უნივერსიტეტის დაარსების თარიღად^[3]. ინსტიტუტმა კურსდამთავრებულების პირველი ნაკადი გამოუშვა 1912 წელს. 24-მა ადამიანმა დაასრულა სასწავლებლის სრული კურსი და მათ მიიღეს ქალაქის სასწავლებლების მასწავლებლის სტატუსი.

1919 წელს უფის სამასწავლებლო ინსტიტუტი გადაკეთდა სახალხო განათლების ინსტიტუტად^[4]. 1929 წელს მის ბაზაზე შეიქმნა ტიმირიაზევის სახელობის ბაშკირეთის პედაგოგიური ინსტიტუტი.

სსრკ-ის მინისტრთა საბჭოს 1957 წლის 20 ივლისის დადგენილების მიხედვით პედაგოგიურ ინსტიტუტს ეწოდა ბაშკირეთის სახელმწიფო უნივერსიტეტი. 6 ნოემბერს მოხდა უნივერსიტეტის საზეიმო გახსნა. უნივერსიტეტის რექტორად აირჩიეს შაიხულა ჩანბარისოვი^[5].

სტრუქტურა

უნივერსიტეტის შემადგენლობაში შედის 12 ფაკულტეტი (ფიზიკის, ბიოლოგიის, გეოგრაფიის, საინჟნრო, ისტორიის, ბაშკირული ფილოლოგიისა და ჟურნალისტიკის, მათემატიკისა და საინფორმაციო ტექნოლოგიების, ფსიქოლოგიის, რომანულ-გერმანული ფილოლოგიის, ფილოსოფიისა და სოციოლოგიის, ფილოლოგიური, ქიმიის), 4 ინსტიტუტი და ასევე ფილიალები სტერლითამაქში, ნეფტეკამსკში, ბირსკში, სიბაიში, ასევე წარმომადგენლობა უჩალში. სასწავლო პროცესში მონაწილეობს 105 კათედრა.